Иванка Трамп
| Иванка Мари Трамп ағылш. Ivanka Marie Trump | ||||
.jpg) Ресми портреті, 2020 жыл | ||||
| Лауазымы | ||||
|---|---|---|---|---|
| ||||
| сәуір 2017 — 20 қаңтар 2021 | ||||
| Президент | Дональд Трамп | |||
| Ізашары | лауазымы құрылды | |||
| Ізбасары | лауазымы жойылды | |||
| ||||
| 29 наурыз 2017 — 20 қаңтар 2021 | ||||
| Президент | Дональд Трамп | |||
| Өмірбаяны | ||||
| Партиясы | Республикашыл (2018 бастап) Демократ (2018 дейін) | |||
| Білімі | Пенсильвания университеті | |||
| Діні | иудаизм | |||
| Дүниеге келуі | 30 қазан 1981 (43 жас) Нью-Йорк, Нью-Йорк штаты, АҚШ | |||
| Туған кездегі есімі | Ивана Мари Трамп (ағылш. Ivana Marie Trump) | |||
| Әкесі | Дональд Трамп | |||
| Анасы | Ивана Трамп | |||
| Жұбайы | Джаред Кушнер (2009 үйл.) | |||
| Балалары | 3 | |||
өңдеу  |
||||
.svg)
Ивана «Иванка» Мари Трамп (ағылш. Ivana "Ivanka" Marie Trump; 30 қазан 1981 жыл, Нью-Йорк) — америкалық кәсіпкер, фотомодель, жазушы. 45 және 47-АҚШ президенті Дональд Трамптың қызы, әкесінің тұңғыш президенттігі кезінде Экономикалық бастамалар және кәсіпкерлік басқарманың директоры және АҚШ президентінің кеңесшісі қызметтерінде болды.
Өмірбаяны
[өңдеу | қайнарын өңдеу]Ерте жылдары
[өңдеу | қайнарын өңдеу]Иванка Мари Трамп 1981 жылғы 30 қазанда Нью-Йоркте бизнесмен Дональд Трамп пен чех моделі Ивана Трамптың отбасында дүниеге келген, ата-аналары 1992 жылы ажырасты. Иванканың ағайынды екі бауыры бар, ағасы кіші Дональд (1977 жылы туған) пен інісі Эрик (1984 жылы туған), сондай-ақ әкесінің басқа некесінен қарындасы мен інісі — Тиффани (1993 жылы туған, әкесінің Марла Мейплзбен некесінен) және Бэррон Трамп (2006 жылы туған, әкесінің Меланья Трамппен некесінен).
Білім
[өңдеу | қайнарын өңдеу]Иванка — Чапин мектебінің және Чоут Розмэри холл колледжінің түлегі. Сондай-ақ, ол екі жылға Джорджтаун университетіне жіберіліп, кейінгі жылдарға Пенсильвания университетіне ауыстырылды, 2004 жылы оқуын бітірді және экономика саласында бакалавр дәрежесін алды.[1]
Мансабы
[өңдеу | қайнарын өңдеу]Иванка өз мансабын фотомодель ретінде бастады. Ол алғаш рет Seventeen журналының мұқабасында 1997 жылы көрінді. Содан кейін ол басқа да көптеген журналдар үшін түсті. 2000 жылдардың басында Иванка модельдік іске аз уақыт бөліп, бизнес және жазушылықпен айналысуға бет бұрды.
Трамп Пенсильвания университетінің экономикалық мектебін аяқтаған салысымен дерлік жылжымайтын мүлікпен айналысатын Forrest City компаниясы менеджерлерінің жоғары эшелонына кірді. Сол жерден ол гауһар тастарды сатуға маманданған Dynamic Diamond Corp. компаниясының маркетинг бөліміне көшті. Кейінірек Ivanka Trump Collection атты зергерлік әшекейлер өндіретін өзінің фирмасын ашты. Көп ұзамай фирма сондай-ақ аяқ киім өндірумен айналыса бастады, оны манекен ретінде Иванканың өзі жарнамалады. Ол The Trump Organization компаниясының вице-президенті.[2]
2006 жылы ол «Кандидат» танымал реалити-шоуына қатысып, онда оның әкесі жетекшілік және продюсерлік ететін және алты шығарылымға жалғасты. Танымалдылығы толқынында Иванканы түрлі телебағдарламаларға шақыратын болды және кейбірі оның ішінде жетекші рөлінде өзін өте сәтті сынап көрді. 2009 жылы Иванканың The Trump Card: Playing to Win in Work and Life (бірнеше ай іскерлік әдебиет бестселлерлер тізімінде тұрды) атты кітабы шықты.[3]
2007 жылы Иванка Maxim журналының Maxim Hot 100 тізімінде 83-орында, сондай-ақ Top 99 Women of 2007 тізімінде 99-орын алды.
2017 жылғы наурыздың аяғынан бастап — АҚШ президенті Дональд Трамптың ақысыз негіздегі көмекшісі.[4]
Байлығы
[өңдеу | қайнарын өңдеу]Трамптың күйеуі — Джаред Кушнер, президент Трамптың аға көмекшісі, табысты кәсіпкер. Ерлі-зайыптылар $240 млн және $740 млн сомасы арасындағы активтерге ие. Иванка Трамптың киім және парфюмерия өндіретін бизнесінің құнының мөлшері $50 миллион, оның Trump International Hotel үлесі $5-25 млн-ға бағаланды.[5]
Өз өмірі
[өңдеу | қайнарын өңдеу]2009 жылғы 25 қазаннан бастап Иванка миллионер Джаред Кушнермен тұрмыста (1981 жылы туған),[6] онымен үйлену тойына бір жылға дейін кездескен. Ол мультимиллиардер және Нью-Йорк еврей қауымы көшбасшыларының бірі Чарльз Кушнердің ұлы. Джаред Кушнер университетті үздік бітірді, 25 жасында New York Observer газетін сатып алған, өзін талантты редактор сияқты көрсете білді және 30 жасында медиа-магнат атанды. Ерлі-зайыптылардың үш баласы бар: қызы Арабелла Роуз Кушнер (2011 жылы туған)[7] және екі ұлы — Джозеф Фредерик Кушнер (2013 жылы туған)[8] мен Теодор Джеймс Кушнер (2016 жылы туған)[9].
Бұрын Трамп күйеуге шықпай тұрып иудей дінін қабылдады. Ол ортодоксалды гиюрді өтіп, Яэль еврей есімін алды, содан бері еврей өмір салтын ұстанады, синагогалар және еврей мектептеріне белсенді түрде қайырымдылық жасайды.
Дереккөздер
[өңдеу | қайнарын өңдеу]- ↑ Gurley, George. Trump Power, Marie Claire.
- ↑ Еврейская дочь американского дядюшки.
- ↑ The Trump Card: Playing to Win in Work and Life, Amazon.com, accessed April 11, 2011.
- ↑ Ivanka Trump To Be An Official White House Employee Covered By Ethics Rules (ағыл.). National Public Radio (29 March 2017). Тексерілді, 3 желтоқсан 2024.
- ↑ Состояние семьи Иванки Трамп оценили в сумму до $740 млн (орыс.). news.bigmir.net.
- ↑ Ivanka Trump Marries Jared Kusher in Lavish Ceremony (ағыл.). People.com (25 October 2009). Басты дереккөзінен мұрағатталған 11 тамыз 2012. Тексерілді, 21 ақпан 2011.
- ↑ «Ivanka Trump tweets birth announcement of 1st child, a daughter born in NYC» Мұрағатталған 10 наурыздың 2016 жылы..
- ↑ У Иванки Трамп и Джареда Кушнера родился сын.
- ↑ У миллиардера Трампа родился восьмой внук.