Иманғали Тәукешұлы Балтабанов

Уикипедия — ашық энциклопедиясынан алынған мәлімет
Jump to navigation Jump to search
Иманғали Тәукешұлы Балтабанов
Туған күні

10 сәуір 1925 (1925-04-10)

Туған жері

Ақтөбе облысы Қобда ауданы Қосөткел

Қайтыс болған күні

26 ақпан 1945 (1945-02-26) (19 жас)

Қайтыс болған жері

Польша, Ополе қ. Флосте дер.

Азаматтығы

 КСРО

Қызметі

Екінші дүниежүзілік соғысқа қатысушы, жаяу әскер.

Марапаттары мен сыйлықтары

Иманғали Тәукешұлы Балтабанов (Білтабанов) (10.04.1925 – 26.02.1945) – Екінші дүниежүзілік соғысқа қатысушы, жаяу әскер, Кеңес Одағының Батыры (1945).

Өмірбаяны[өңдеу]

1925 жылы Ақтөбе облысы Қобда ауданы Қосөткел ауылында туған. Бастауыш мектепті бітіргеннен кейін малшылар бригадасында, «Ударник» ұжымшарында трактор жүргізуші болып жұмыс істеді. 1943 жылы Қобда ауданы әскери комиссариатынан әскер қатарына шақырылды. Пулеметшілер курсын бітіргеннен кейін Ленинград түбіне жіберілді. 1945 жылы 25 қаңтарда Оппельн қ. (қазіргі Ополе қаласы, Польша) тұсында Одер өзенінен өтіп, арғы жағалаудағы Одерфельддер үшін болған ұрыста пулеметімен жаудың 58 солдаты мен офицерін жойған. Осы ұрыста жау дзотынан атылған оқ Кеңес әскерлерін жер бауырлап жатуға мәжбүр етті. Балтабанов жараланғанына қарамастан жау дзотына қарай гранатаны амбразураға лақтырып, ерлікпен қаза тапты.

Марапаттары[өңдеу]

Балтабановқа КСРО Жоғары Кеңесі Төралқасының Жарлығымен Кеңес Одағының Батыры атағы берілді (10.4.1945). Ол Ленин орденімен, бірнеше медальдармен марапатталды. Ополе қаласынан оңтүстік-батысқа қарай 28 шақырым жердегі Флосте деревнясында жерленді. Туған ауылындағы көшеге Балтабанов есімі берілді.[1]

Дереккөздер[өңдеу]

  1. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-8-93-73-Х