Каменское газ-конденсат кен орны

Уикипедия — ашық энциклопедиясынан алынған мәлімет
Jump to navigation Jump to search

Каменское газ-конденсат кен орны
51°07′ с. е. 50°12′ ш. б. / 51.117° с. е. 50.200° ш. б. / 51.117; 50.200 (G) (O) (Я)Координаттар: 51°07′ с. е. 50°12′ ш. б. / 51.117° с. е. 50.200° ш. б. / 51.117; 50.200 (G) (O) (Я)
Ел Қазақстан
АймақБатыс Қазақстан облысы
Статусыөндірілуде
Ашылған уақыты1986 жыл
Каменское газ-конденсат кен орны (Қазақстан)
Black pog.svg
Каменское газ-конденсат кен орны
Каменское газ-конденсат кен орны (Батыс Қазақстан облысы)
Black pog.svg
Каменское газ-конденсат кен орны

Каменское газ-конденсат кен орныКаспий маңы ойпатының солтүстігіндегі кен орны. 1986 жылы ашылған.

Географиялық орны[өңдеу]

Батыс Қазақстан облысында, Орал қаласының батысында 75 км жерде орналасқан.

Геологиялық құрылымы[өңдеу]

Кен орны төменгі қазан жікқабаты бөлігінің калинов свитасының карбонатты таужыныстарындағы тұзаралық қатқабаттан (156-180 м) орын алған. Өнімділік ендікке жуық лықсыма арқылы шығыс және батыс бөліктерге бөлінген орталық блоктың аумағында анықталған. Шығыс бөлігінде қатқабат амплитудасы 800 м-дей, дөңі -2300 м-де білінген антиклин қатпар түзеді. Қатпардың переклині өзінің батыс бөлігінде жарылым арқылы толықтай тілінген, ал шығыс бөлігінде ішінара ғана бөлінген. Батыс бөлікте қатқабат солтүстік шығыстан оңтүстік-батысқа қарай -2800 м-лік белгіден -3800 м-лік белгіге дейін моноклин түрде құлдилайды. Газ кенорнының құрамында шағын мөлшерде конденсат бар.

Жатыс сипаты[өңдеу]

Жатындары қойнауқаттық күмбезді және қойнауқаттық, тектоникалық тұрғыдан қалқаланған. Жатынның ең биік нүктесі 2662 м тереңдікте. Өнімділіктің төменгі шегі -3050 м-лік белгі сынамалау арқылы дәлелденген. Газ-су жапсары -3100 м-лік белгіде. Жатынның анықталған биіктігі 530 м-ге тең. Өнімді шөгінділер төменгі бөлікте сазды, құмды-сазды, жарықшақты, әктасты таужыныстардан құралған, ал жоғарғы бөлігінде (қиманың 80%) әктастар мен доломиттерден тұрады. Қазан жікқабатының тұзды қатқабаты жапқыш рөлін атқарады. Бұрғыланған ұңғымалар бойынша қатқабаттағы жинауыштар үлесі 5%-75%-ға дейін ауытқиды. Кеуекті, кеуекті-жарықшақты типтердегі жинауыштар көбінесе доломиттермен байланысты.

Тығыздығы, құрамы[өңдеу]

Кеуектілік мелшері 5,7—12,6%, өтімділігі 156 мкм2. -2700 м-лік деңгей үшін бастапқы қойнауқаттық қысым 45,4 МПа-га, температура 78°С-қа тең. Газдың бастапқы шығымдары 6,4-1280 мың м3/тәулікке дейінгі шаманы құрады. Газдағы конденсаттың орташа мөлшері 40 г/м3, тығыздығы 760-790 кг/м3. Қойнауқаттық газ 87% метаннан, 1,2% этаннан, 0,6-0,8% пропаннан, 19-0,28% бутаннан, 0,93-1,63% күкіртсутегіден, 4,4-5,7% көмірсутегі диоксидінен, 2,3-5,2% азоттан (мол.%) тұрады. Кенорын игерілуде.