Катод

Мыс катоды

Катод(грекше kathodos – төмен түсу, қайту) – теріс зарядты электрод.

• 1) ток көздерінің (аккумулятор, гальваникалық элемент, тағы басқа) теріс полюсі;
• 2) вакуумда немесе газда электрод аралық кеңістіктің өткізгіштігін қамтамасыз ететін электрвакуумдық немесе газ разрядтаушы аспаптардың теріс электроды;
• 3) электрлік химияда электролиттердің (иондарының) катиондарының тотықсыздану процесі жүретін теріс зарядты электроды. Катод анодпен бірге электролиз кезінде электродтар ретінде қолданылады. Катод жасайтын материалдар электролиттердің және электролиз кезінде шығатын өнімдердің табиғатына байланысты болады. Көп жағдайда катодты графит, көмір, платина, тотықпайтын болат, никель, мыс сияқты металдардан жасайды.