Кацура Таро

Уикипедия — ашық энциклопедиясынан алынған мәлімет
Jump to navigation Jump to search
Кацура Таро

Кацура Таро (1847 жыл 28 қараша, Ямагути - 1913 жыл 10 қазан, Токио) - Жапонияның мемлекет қайраткері, генерал.

Өмірі[өңдеу]

Тёсю княздығындағы самурайлар арасынан шыққан. 1868 жылғы төңкеріс кезінде император жағын қолдап, Киотода оның сарайын қорғап, сегунат жақтастарымен бірге Солтүстік Жапонияда соғысты. 1870-1873 жылдары Берлиндегі әскери училищеде оқыды. 1875-1878 жылдары Берлиннің жапон елшілігінде әскери атташе қызметін атқарды.

1894-1895 жылдары Жапон-Қытай соғысында ерекше көзге түсті. 1898-1900 жылдары - әскери министр. 1901-1905, 1912-1913 жылдары - премьер-министр. Ағылшын-жапон одағын ұйымдастырушылардың бірі. Англия мен АҚШ-тың қолдауымен Кацура үкіметі 1904-1905 жылдары Жапонияның Ресейге қарсы соғысын ашты.[1]

Дереккөздер[өңдеу]

  1. Қазақ Совет Энциклопедиясы, Алматы, 1974 ж., 5 том