Күкіртсіздендіру

CaO, яки сөндірілмеген әк

Күкіртсіздендіру, немесе десульфурация (лат. sulphur — күкірт) — балқыған металл құрамынан күкірттің шығарылуын қамтамасыз ететін физикалық-химиялық процесс.

Мысалы, шойын мен болатты күкіртсіздендіру үшін көбінесе кальций оксиді мен кальций карбиді қолданылады.

Темір сульфиді мен кальций оксиді арасында мынандай реакция жүреді:

${\mathsf {FeS+CaO\rightarrow CaS+FeO}}$

Күкіртсіздендіру металдың беріктігін нығайтады, дәнекерлеуге қабілеттілігін жақсартады және коррозияға төзімділігін арттырады.