Күнгей жотасы
| Күнгей жотасы | |
| Сипаттамасы | |
|---|---|
| Тау жүйесі | |
| Пайда болған кезеңі | |
| Ұзындығы |
55-60 км |
| Ені |
15-20 км |
| Биіктігі |
3014 м |
| Орналасуы | |
|
45°38′22″ с. е. 81°30′17″ ш. б. / 45.63944° с. е. 81.50472° ш. б. (G) (O) (Я)Координаттар: 45°38′22″ с. е. 81°30′17″ ш. б. / 45.63944° с. е. 81.50472° ш. б. (G) (O) (Я) | |
| Елдер | |
|
| |
|
| |
Күнгей жотасы – Жетісу (Жоңғар) Алатауының солтүстік шығыс сілеміндегі жотасы.
Географиялық орны[өңдеу | қайнарын өңдеу]
Жетісу облысы Алакөл ауданы жерінде. Батыстан шығысқа, солтүстік-шығысқа қарай 55-60 км-ге созылып жатыр, ені 15-20 км. Ең биік жері 3014 м.
Геологиялық құрылымы[өңдеу | қайнарын өңдеу]
Күнгей жотасы төменінде тас көмірдің саздақты тақтатас, құмтас жыныстарынан түзілген.
Жер бедері[өңдеу | қайнарын өңдеу]
Оңтүстік беткейі тік. Жотаны өзен аңғарлары қатты тілімдеп шатқал жасаған. Көксуат өзінің аңғары оңтүстіктегі Тастау жотасынан бөліп тұрады. Солтүстігінде Жүнжүрек, Арқалық және Жабық таулары орналасқан. Алакөл көліне қарайтын солтүстік беткейлерінен Көкмойын, Жаманты, Қызылтал, Қаратал өзендері бастау алады.
Өсімдігі[өңдеу | қайнарын өңдеу]
Аңғарларында қайың, тал, терек, орта белдеуінде қылқан жапырақты орман, жоғары жағында тау шалғыны, арша өседі. Етегі жазғы жайлау.[1]