Көктау (тау, Батыс Қазақстан облысы)

Көктау тауы
Сипаттамасы
Пайда болған кезеңі	Мезо-кайнозой
Ұзындығы	15 км
Ені	8 км
Биіктігі	227 м
Орналасуы
51°07′14″N 49°27′15″E
Елдер	Қазақстан,  Ресей
Көктау тауы
Көктау тауы

 Басқа мағыналар үшін Көктау деген бетті қараңыз.

Көктау – Жалпы Сырт қыратының солтүстік-батысындағы қырқалы тау массиві.

Географиялық орны

Батыс Қазақстан облысы Тасқала ауданы Амангелді ауылының солтүстік-батысында 33 км жерде, Ресеймен шекаралас орналасқан.

Жер бедері

Абсолюттік биіктігі 227 м. Беткейі көлбеу, пішіні доға тәрізді келген. Солтүстік-шығыстан оңтүстік-шығысқа қарай 15 км-ге созылып жатыр, енді жері 8 км. Беткейі сай-жыралармен тілімденген. Жер бедеріне күмбез пішінді денудациялық тау жұрнақтары тән.

Геологиялық құрылымы

Жер қыртысы мезо-кайнозой кезеңінің бор-мергельді жыныстарынан түзілген. Кейбір жерін палеогеннің құмды-саздақты шөгінділері жапқан.

Өсімдігі

Аласа таудың қоңыр топырақ жамылғысында боз, селеу, бетеге аралас дала өсімдіктері өседі.

Сыртқы сілтемелер

• [1](қолжетпейтін сілтеме) Батыс Қазақстан облысы