Лайлы

Уикипедия — ашық энциклопедиясынан алынған мәлімет
Jump to navigation Jump to search
Лайлы
Сипаттамасы
Ұзындығы 38 км
Су алабының
ауданы
321 км²
Су алабы Көкпекті өзені
Су ағысы
Бастауы Қайыңдышоқ орманының (қонысының) оңтүстігіндегі бұлақтар
Сағасы Құлажон өзенінің сол жағы
 • Орналасқан жері Казнаковка ауылы маңы
Орналасуы
Ел Қазақстан
Аймақ Шығыс Қазақстан облысы Көкпекті ауданы

Лайлы - Көкпекті алабындағы өзен.

Географиялық орны[өңдеу]

Шығыс Қазақстан облысы Көкпекті ауданы жерімен ағады. Ұзыңдығы 38 км, су жиналатын алабы 321 км2, жалпы ұзындығы 36 км болатын 30-дан астам саласы бар. Ірілері: Оразбай, Жуандық.

Бастауы[өңдеу]

Бастауын Қайыңдышоқ орманының (қонысының) оңтүстігіндегі бұлақтардан алып, Казнаковка ауылы маңында Құлажон өзеніне сол жағынан құяды.

Гидрологиясы[өңдеу]

Лайлы қыстауына дейінгі арнасы жарқабақты, жарлауытты, одан төмеңде аңғары кеңейіп сайлы-жыралы өңірмен өтеді. Арнасында жыл бойы су болады. Негізінен жер асты және жауын-шашын суларымен толығады. Кей жылдары жазда Көкжыра ауылынан төменде ағысы қарасуларға бөлініп қалады. Самара ауылы маңында өзенге шағын бөген салынған. Алабының басым бөлігі техникалық дақылдарға арнап жыртылған, сондай-ақ өзен алабы шабындыққа және мал жайылымына пайдаланылады.[1]

Дереккөздер[өңдеу]

  1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5