Леонидас да Силва

Уикипедия — ашық энциклопедиясынан алынған мәлімет
Jump to navigation Jump to search
ЛеонидасФутбол
Leônidas da Silva.jpg
Жалпы мағлұмат
Толық аты Леонидас да Силва
Лақап аты Қара маржан
Туған күні 6 қыркүйек 1913(1913-09-06)
Рио-де-Жанейро, Бразилия
Қайтыс болған күні 24 қаңтар 2004(2004-01-24) (90 жас)
Котия, , Бразилия
Азаматтығы Flag of Brazil.svg Бразилия
Салмағы 168
Позиция шабуылшы
Карьера
Жастар клубы
1927—1929 Бразилия Сан-Кристован
Клуб карьерасы*
1929 Бразилия Сан-Кристован ? (?)
1929—1930 Бразилия Сириу Либанес ? (5)
1931—1932 Бразилия Бонсусессо ? (23)
1933 Уругвай Пеньяроль 25 (28)
1934 Бразилия Васко да Гама ? (1)
1935 Бразилия СК Бразилия ? (0)
1935—1936 Бразилия Ботафого ? (9)
1936—1941 Бразилия Фламенго 88 (88)
1942—1950 Бразилия Сан-Паулу ? (90)
Ұлттық құрамы**
1932—1946  Бразилия 19 (21)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

** Ресми матчтарда ұлттық құрамда болған ойындары мен голдар саны.

Леонидас да Силва (порт.Leônidas da Silva; 6 қыркүйек 1913 жыл, Рио-де-Жанейро — 24 қаңтар 2004 жыл, Котия, Сан-Паулу) — бразилиялық футболшы, шабуылшы. Пеле халықаралық аренаға шыққанша Бразилияның ең үздік футбошысы саналған[1].

Өмірбаяны[өңдеу]

Леонидас 1913 жылы Рио-де-Жанейрода дүниеге келген. Мектепте сабақты оншалық оқып жарытпаған, бірақ дене шынықтыру пәніне белсене қатысыпты. Карьерасын 13 жасында "Сан-Кристован" клубында бастады.

ФИФА-ның 2006 жылғы әлем чемпионаттарын қайта қарап шығып, түзету енгізуі бойынша, Леонидас 1938 жылғы әлем чемпионатында сегіз емес емес, жеті гол соққан. Турнирдің алғашқы ойынында (1/8 финалда) Бразилия құрамасы Польшамен кездесті. Леонидас осы ойында хет-трик жасады. Ал, поляк футбошысысы Эрнст Виллимовски тіпті Леонидастан да асып түсіп, төрт гол енгізді. Бірақ қорытындыда Бразилия 6:5 есебімен жеңіске жетті.

Ал ширек финалдағы БразилияЧехословакия кездесуі екі тарапқа да ауыр соқты. Алғашқы ойын 1:1 есебімен тең аяқталып, екі күннен соң құрамалар жеңімпазды анықтау үшін қайта ойнады. Бұл ойын 2:1 есебімен Бразилиялықтардың пайдасына шешілді. Леонидас екі матчта бір-бір голдан соқты.

Жартылай финалда Бразилия футболшылары Италиямен ойнады. бұл жолы бразилиялықтардың бапкері Адемар Пимента Леонидасты ойынға қоспай, құрама 1:2 есебімен ұтылып қалды. Бапкердің түсініксіз қадамы жайлы екі түрлі жорамал бар: Леонидас чехословактармен ойында жарақат алған. Екіншісі: бапкер финалға шығатындарына тым сенімді болып, Леонидасты финалдық ойынға сақтаған.

Үшінші орын үшін матчта шведтердің қақпасына Леонидас екі гол соқты.

Бразилия құрамасы сапында Леонидас 24 ойын өткізіп, 25 гол соқты. Карьерасын аяқтаған соң футбол комментаторы болды. 2004 жылы 90 жасында дүниеден өтті.

Жетістіктері[өңдеу]

  • Рио-де-Жанейро штатының чемпионы (3): 1934, 1935, 1939
  • Әлемнің қола жүлдегері: 1938
  • Рио-Бранко кубогы: 1932
  • Сан-Паулу штатының чемпионы (5): 1943, 1945, 1946, 1948, 1949
  • Рока кубогы: 1945
  • Әлем чемпионатының үздік мергені: 1938 (78 гол)

Дереккөздер[өңдеу]

  1. Leonidas: Brazil’s first superstar. Басты дереккөзінен мұрағатталған 16 желтоқсан 2012.

Сілтемелер[өңдеу]