Майра Смахқызы Омар

Майра Смахқызы Омар
Жалпы мағлұмат
Туған күні	27 қазан 1958 (1958-10-27) (65 жас)
Туған жері	Уәлиханов ауданы, Көкшетау облысы, Қазақ КСР
Азаматтығы	КСРО  Қазақ КСР  Қазақстан
Мамандығы	актриса
Белсенді жылдары	1978 жыл - осы уақыт
Бағыты	драма
Марапаттары	Құрмет ордені

Майра Смахқызы Омар (1958 жылы 27 қазанда Көкшетау облысында туған) — актриса. Қазақстан жастар одағы сыйлығының лауреаты (1992). Құрмет орденінің иегері (2017). Ерен еңбегі үшін медалінің иегері (2002).

Толығырақ

• Майра Смахқызы 1958 жылы 27 қазанда Көкшетау облысы Қызылту ауданында дүниеге келген.
• 1978 жылы Мұхтар Әуезов атындағы Қазақ мемлекеттік академиялық драма театры жанындағы театр студиясын қызыл дипломмен бітірген.
• 1994 - 1996 жылы Т.Жүргенов атындағы Қазақ ұлттық өнер академиясын бітірген.
• 1978 - 1979 жылдары Талдықорған драма театрының актрисасы.
• 1979 - 2009 жылдары Мұхтар Әуезов атындағы Қазақ мемлекеттік академиялық драма театрының актрисасы.
• 2010 жылдан Қалибек Қуанышбаев атындағы қазақ мемлекеттік академиялық музыкалық драма театрының актрисасы.

Сахнадағы негізгі рөлдері

• Талдықорған драма театры және Мұхтар Әуезов атындағы Қазақ мемлекеттік академиялық драма театрының сахнасында ойнаған рөлдері: Б. Римова «Абай-Әйгерім» – Айғыз, М. Байджиев «Қалыңдық пен күйеу» – қалыңдық, С. Ахмад «Келіндер көтерілісі» – Нигора, Т. Брандес «Мен сіздің әпкеңізбін» – Энни, Табукашвили «Арманымның ақ құсы» – Елена, Ж. Мольер «Ақымақ болған басым-ай» – Клодина, Ш. Айтматов «Ғасырдан да ұзақ күн» – Найман Ана, «Ақ кеме» – Бұғы Ана, Қ. Шаңғытбаев, Қ. Байсейітов «Беу, қыздар-ай» – Күнсұлу, Т. Нұрмағамбетов «Бес бойдаққа бір той» – Күйкетай, М. Әуезов «Еңлік-Кебек» – Еңлік, «Қилы заман» – Ана, «Дос – бедел дос» – Гүлжан, Ғ. Мүсірепов «Қозы Көрпеш-Баян Сұлу» – Мақпал, «Махаббат дастаны» – Күнікей, К. Ашир «Қабыл-Адам ата перзенті» – Хауа Ана, Е.Замятин «Еділ патша» – Ильдихо, Б. Майлин «Сабатажж» – Қалампыр, М. Мақатаев «Қош, махаббат» – Бану, Ж. Аймауытов «Махаббат мұңы» – Шекер, Р. Мұқанова «Мәңгілік бала бейне» – Рахия, Т. Мурод «Ат жылаған түн» – Қымбат, М. Гаппаров «Тұзды шөл» – Рәбия, Гоцци «Турандот ханшайым» – Зелима, А. Сүлейменов «Жетінші палата» – Жамал, «Қыздай жесір – штат қысқарту» – Үрия, Қ. Мұқамеджанов, Ш. Айтматов «Көктөбедегі кездесу» – Алма, Н. Келімбетов «Үміт үзгім келмейді» – Қарлығаш, Б. Мұқай «Сергелдең болған серілер» – Сайраш, Хикмет «Фархат-Шырын» – Сербиназ, Покровский «Жуастан жуан» – Қырмызы, С. Санбаев «Бір құты мұнай» – Петра, А. Жағанова «Жан алқымда» – Сәуле, И. Ғайып «Шыңғысхан» – Күлал, И. Вовнянко «Апат» – Ұлпан, С. Мұқанов «Мөлдір махаббат» – Қалиса, У. Шекспир «Гамлет» – Гертруда, «Ромео мен Джульетта» – Леди Капулетти, Ә. Әмзеев «Қара кемпір» – Қали, М. Кәрім «Ай тұтылған түн» – Таңқабике, т.б.
• Қалибек Қуанышбаев атындағы қазақ мемлекеттік академиялық музыкалық драма театры сахнасында: Д. Рамазан «Кенесары-Күнімжан» – Қадиша; Е. Жуасбек «Антивирус» – Нафиса; Ф. Оңғарсынова «Даланың күйші Динасы» – Динаның анасы, Ғ. Мүсірепов «Ақан сері-Ақтоқты» – Дәмелі, А. Вальехо «Күн сәулесі түспеген» – Шешесі, Ж. Ануй«Жалын жұтқан Жанна д’Арк» – Анасы, Б. Минору «Әзәзіл» – бірінші әйел, Ә. Тарази «Үкілі жұлдыз» – Ай, С. Балғабаев «Ең жақсы еркек» – меңгеруші, Р. Отарбаев «Көлеңкесіз жолаушы» – шешесі, т.б.

Марапаттары

• 1988 жылы Республикалық «Жігер» фестивалінің лауреаты.
• 1992 жылы Е. Аманшаевтың «Үзілген бесік жыры» драмасында Сағима бейнесін көркем сомдағаны үшін Қазақстан жастар одағы сыйлығының иегері атанды.
• 2002 жылы Елбасының жарлығымен Ерен еңбегі үшін медалі мен марапатталды.
• 2017 - Құрмет ордені