Максим Александрович Шацких
Максим Александрович Шацких (өзб. Maksim Aleksandr o‘g‘li Shatskix, Максим Александр ўғли Шацких; укр. Максим Олександрович Шацьких; 30 тамыз 1978, Ташкент, Өзбек ССР, КСРО) — өзбекстандық футболшы, Өзбекстан Ұлттық футбол құрамасында 1999-2011 жылдары ойнаған шабуылшы[1]1999-2011 жж[2], Ұлттық құраманың капитаны болған.
Карьерасы
[өңдеу | дереккөзін өңдеу]Өзбек футболының түлегі болғанымен, кәсіби карьерасын тек украиндық және ресейлік клубтарда өткізген. 1999 жылға дейін Ресейдің бірнеше клубында ойнады да, Киевтің "Динамосына" ауысты. "Динамода" тұрақты ойнап, 10 жылдай өнер көрсетті. 2009 жылы Қазақстанның "Астана" клубында жарты жыл тер төкті. Сосын қайтадан Украинаға барып, карьерасын аяқтағанша сол мемлекеттегі түрлі клубтар сапында ойнады. Карьерасында 124 доп соғып, Украина чемпионатының ең үздік мергеніне айналды.
"Динамо" сапында 1999 жылы "Жальгириспен" ойында алаңға шығып, УЕФА Чемпиондар Лигасындағы алғашқы ойынын өткізді. Сондай-ақ, ол Чемпиондар Лигасында гол соққан тұңғыш азиялық футболшы боп та тарихта қалды.
2012 жылы Украина чемпионатында 100 голдан артық соққан футболшылар қабылданатын "Олег Блохин атындағы мергендер клубына" мүше болды.
Украина чемпионатында "Максим Шацких атындағы мергендер" атты клуб та бар. Оған Украина чемпионатында 100-ден аса гол соққан легионер футболшылар мүше бола алады.
Өзбекстан құрамасы сапында 61 матч өткізіп, 34 гол соққан. Бұл әзірше рекорд саналады.
Бапкерлік карьерасы
[өңдеу | дереккөзін өңдеу]2017 жылы 2 маусым күні "Динамоның" бапкері боп белоруссиялық экс-футболшы Александр Хацкевич тағайындалды да, Шацких көмекшілердің қатарына қосылды.
2022 жылы "Пахтакор" клубының бас жаттықтырушысы қызметін бастады.
Клубтары
[өңдеу | дереккөзін өңдеу]| жж | Клуб | Матч | Гол |
|---|---|---|---|
| 1994—1995 |  Сокол-ПЖД (Саратов) | 12 | (0) |
| 1995—1996 | Торпедо (Волжский) | 4 | (0) |
| 1996—1997 | Лада-Тольятти-ВАЗ | 22 | (9) |
| 1997—1998 | Газовик-Газпром (Ижевск) | 27 | (9) |
| 1998—1999 | Балтика | 19 | (5) |
| 1999—2009 |  Динамо (Киев) | 215 | (97) |
| 1999—2004 | Динамо-2 | 21 | (7) |
| 2001 | Динамо-3 | 2 | (1) |
| 2009—2010 |  Локомотив (Астана) | 15 | (8) |
| 2010—2012 | Арсенал (Киев) | 83 | (21) |
| 2013 | Черноморец (Одесса) | 6 | (0) |
| 2013 | Арсенал (Киев) | 12 | (1) |
| 2014—2015 | Говерла | 25 | (5) |
| 2015—2016 | Рух (Винники) |
Жетістіктерi
[өңдеу | дереккөзін өңдеу]- Украина чемпионы (6): 1999/2000, 2000/01, 2002/03, 2003/04, 2006/07, 2008/09
- Украина кубогы (5): 1999/2000, 2002/03, 2004/05, 2005/06, 2006/07
- Украина суперкубогы (2): 2004, 2006
- Бірінші канал кубогы (1): 2008
Дереккөздер
[өңдеу | дереккөзін өңдеу]- ↑ Өзбекстан құрамасы футболшыларының статистикасы (ағыл.) // rsssf.com, 23 сәуір 2008
- ↑ Шацких украин азаматтығын алғысы келеді // terrikon.dn.ua, 4 маусым 2009
Cілтемелер
[өңдеу | дереккөзін өңдеу]- Шахких атындағы легионер-мергендер клубы Мұрағатталған 2 мамырдың 2012 жылы.
- Алфавит бойынша футболшылар
- 1978 жылы туғандар
- Өзбекстан футболшылары
- Ташкентте туғандар
- Динамо Киев ФК ойыншылары
- Өзбекстан Ұлттық футбол құрамасының ойыншылары
- Сокол ФК ойыншылары
- Арсенал Киев ФК ойыншылары
- Черноморец Одесса ФК ойыншылары
- Өзбекстан футбол жаттықтырушылары
- Пахтакор ФК жаттықтырушылары
- Астана ФК ойыншылары