Манас ауданы

Аудан
Манас ауданы
Манас району
Әкімшілігі
Кіреді	Талас облысы
Әкімшілік орталығы	Покровка
Тарихы мен географиясы
Құрылған уақыты	1980
Уақыт белдеуі	UTC+6
Тұрғындары
Тұрғыны	32 913  адам (2009)
Ұлттық құрамы	қырғыздар — 78,4 %, күрдтер — 6,7 %, қазақтар — 4,8 %, орыстар — 3,3 % өзбектер — 2,8 % түріктер — 1,8 %
Ресми тілі	Қырғыз тілі

Манас ауданы (қыр. Манас району) — Қырғызстан Республикасындағы Талас облысының солтүстік-батысында орналасқан әкімшілік бірлік. 1980 жылы 3 қазанда Киров (қазіргі Қарабура) ауданынан бөліну арқылы құрылды.

Талас облысының солтүстік-батыс бөлігінде орналасқан. Солтүстігінде және батысында Қазақстанның Жамбыл облысымен, оңтүстікте Талас облысының Қарабура және Бақайата ауданымен, шығысында Талас ауданымен шектеседі.

Әкімшілік орталығы — Покровка ауылы.

Халқы

2009 жылғы Қырғызстан халық санағы деректері бойынша 32 913 аудан тұрғынының ішінен қырғыздар 25 801 адамды құрайды (78,4 %), күрдтер — 2204 адам (6,7 %), қазақтар — 1568 адам (4,8 %), орыстар — 1093 адам (3,3 %), өзбектер — 910 адам (2,8 %), түріктер — 589 адам (1,8 %).

Әкімшілік бөлінісі

Манас ауданының құрамына 5 ауылдық округ пен 22 ауыл кіреді:

• Қайыңды ауылдық округі: Арал (орталығы), Қайыңды, Нылды, Сарыбұлақ, Шештөбе ауылдары
• Қырғызстан ауылдық округі: Талас (орталығы), Көктөбе, Манас ауылдары
• Май ауылдық округі: Майское (орталығы), Новодонецкое ауылдары
• Покровка ауылдық округі: Покровка (орталығы), Баласары, Жайылған, Қараарша, Сөгет ауылдары
• Үшқорған ауылдық округі: Қызылжұлдыз (орталығы), Ақтас, Жиде, Кеңес, Үлкенқақпа, Тасбасат, Үшқорған ауылдары