Мұртаза Ғұбайдоллаұлы Рахимов

Рахимов Мұртаза Ғұбайдоллаұлы^[1] (7.2.1934 ж. т., Ресей, Башқортостан, Кугарчинск ауданы Таваканово ауылы) — Башқортостан Республикасының Президенті. Уфадағы мұнай техникумын (1956), мұнай институтын (1964) бітірген. 1956 — 60 ж. Уфа мұнай өңдеу зауытында оператор, 1964 — 76 ж. зауытта қондырғы бастығы, цех бастығының орынбасары, өндіріс бастығының орынбасары, бас инженердің орынбасары болды. 1976 — 90 ж. бас химик — бас инженердің орынбасары, бас инженер, зауыт директоры. 1990 ж. Башқұрт АКСР-і Жоғарғы Кеңесінің депутаты, 1990 — 93 ж. Башқортостан Республикасы Жоғарғы Кеңесінің төрағасы болды. 1993 жылғы 12 желтоқсаннан Башқортостан Республикасының Президенті. Рахимов Ресей Федералдық Жиналысы Федерация Кеңесінің (1993 — 2001), Ресей Федерациясы Мемлекеттік Кеңесінің мүшесі. Ол Ресей Федерациясы делегациясы құрамында және ел басшысы ретінде Қазақстанда бірнеше рет ресми сапармен болды. Рахимов көптеген ордендермен, медальдармен марапатталған.