Мұхамеджан Хакімұлы Фаризов

Уикипедия — ашық энциклопедиясынан алынған мәлімет
Jump to navigation Jump to search

Мұхамеджан Хакімұлы Фаризов[1](12.10.1904, Қостанай облысы Семиозер ауданы Қаражар ауылы –12.9.1988, Алматы қаласы) – медицина ғылымының кандидаты (1937), профессор (1967), Қазақ КСР-інің еңбек сіңірген дәрігері (1947).

2-дүниежүзүлік соғысқа қатысқан.
Алғашында Орынбор қаласындағы рабфакта (1922–24) оқып білім алды.
Қазан мемлекеттік университетінің медицина факультетін (1929) бітірген соң Алматы қаласының ауруханаларында терапевт (1929–33), Жамбыл облысы Мерке ауданында дәрігер (1933–34), Шымған санаторийінде бас дәрігер (1934–37), Қазақ мемлекеттік медицина институтында ассистент,доцент (1937–38, қазіргі Қазақ ұлттық медицина университеті), кафедра меңгерушісі, профессор (1938–41 және 1947–76), 2-дүниежүзүлік соғыс жылдары Мәскеу мен Курск қалаларында, Орталық округтік госпитальда дәрігер, ординатор, бөлім меңгерушісі және эвакуациялық госпитальдың бастығы (1942–47) болып жұмыс істеді;
1964 жылдан өмірінің соңына дейін Бүкілодақтық невропатологтар мен психиатрлар қоғамы төралқасының мүшесі әрі Республика невропатологтар мен психиатрлар қоғамының төрағасы болды.
1976 жылдан Республикалық 2-аурухананың бас кеңесшісі қызметін атқарды.

Мұхамеджан Хакімұлы[өңдеу]

  • 1934 жылдан невропатология ғылымы бойынша маманданып, безгек, бруцеллез, тұмау, т.б. жұқпалы ауруларға ұшырағандардың жүйке жүйесіне ғылыми-тәжірибелік зерттеулер жүргізеді;
  • соның нәтижесінде республикада тұңғыш рет невропатология бойынша кандидаттық диссертация қорғаған.
  • Оның невропатология саласына арналған 80-нен астам ғылыми еңбегі жарық көрді.
  • Ленин, Еңбек Қызыл Ту ордендерімен және медальдармен марапатталған.

Дереккөздер:[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том