Мәдениет (телеарна)

Уикипедия — ашық энциклопедиясынан алынған мәлімет
Jump to navigation Jump to search

орыс. 'Disambig gray.svg Басқа мағыналар үшін Мәдениет (айрық) деген бетті қараңыз.

«Мәдениет» телеарнасы
Logo Madeniet.png
Құрылған жылы 26 қыркүйек 2011 жыл
Жабылған жылы 1 қаңтар 2014 жыл
Иесі Бақыт Қайырбеков («Мәдениет» телеарнасының соңғы директоры)
Мемлекеті Қазақстан
Тілі Қазақ тілі, орыс тілі
Таратылу аймағы  Қазақстан
Директоры "Қазақстан" РТРК" АҚ
Уақыт Күнделікті
Веб-сайты madeniettv.kz

«Мәдениет» телеарнасыҚазақстандағы мәдени-танымдық бағытта хабар тарататын алғашқы арна. Қазақстандық көрермендерге отандық және әлемдік мәдениет жауһарларын кеңінен таныстыратын бұл арна 2011 жылдың 26 қыркүйегінде «Қазақстан» РТРК» АҚ жанынан ашылып отыр.

Тарихы[өңдеу]

Қазақстанның тарихи және мәдени мұрасын сақтау, тілдік ортаны дамыту, рухани құндылықтарды насихаттау, көрерменнің талғамын көтеру және жан-жақты дүниетанымын арттыру бағытында әзірленген отандық және шетелдік үздік телехабарлар мен деректі фильмдерді қалың көпшілік назарына ұсыну басты мақсаты болып табылады. «Мәдениет», «Ретро» және «Тарих» сияқты үш арнаны тоғыстыра отырып, ұлттық мәдениет пен ұлттық құндылықтарды насихаттауды басты назарда ұстайды. Мұрағат бағдарламалары мен шетелдік өнімдердің үздік үлгілерін ұсына отырып, эфир уақытының 30%-ын алып отыратын қазіргі заман талабына сай форматта жасалатын ток-шоу, телевизияға арналған музыкалық және драмалық қойылымдар, деректі және көркем фильмдер, телехикаялар, түрлі жанрдағы арнайы жобаларды әзірлемек. Бұл бағдарламалар көпшілік көрерменнің дүниетанымын кеңейте отырып, мәдениеттің рухани қазынасынан сусындауға, қазақ елінің өнегелік құндылықтарын дәріптеп, соның қадір-қасиетін ұғынып, сақтай білуге мүмкіндік береді. «Мәдениет» телеарнасын спутниктік, кабельдік және Интернет желілерінің пайдаланушылары көре алады.[1]

Телеарна 80 пайыз мемлекеттік тілде және 20 пайыз өзге тілдерде хабар тарататын болады. «Мәдениет» арнасын ашудың негізгі мақсаты - көрермен қауымды отандық және әлемдік мәдениеттің нәрімен сусындату. Ол үшін жаңа телеарнада ең үздік қазақ киносы, Кеңес одағы кезінде шығарылған көркем туындылар, деректі фильмдер, әлемдік киноматографияның бірегей туындылары, атақты тұлғалардың өмірбаянына арналған бағдарламалар , опера және балет бағдарламалары, телеспектакльдер тағы да басқа мәдени жобалар көрсетілмек.

Атап айтқанда, «Ақ сарай», «Сол жылдар», «Өркениет», «Қыл қалам», «Ғасырлар пернесі», «Алтын көмбе», «Кітапхана», «Әлі есімде» бағдарламалары, сондай-ақ «Абай», «Қазақ даласының құпиялары» сияқты деректі фильмдер көрерменге жол тартпақ.[2]

Бағдарламалар[өңдеу]

  • Неслучайные встречи

Танымал әнші Карина Абдуллина сахнагерлермен, әншілермен, режиссерлермен, жазушылармен кездесулерді өткізеді.

  • Мәдениет жаңалықтары

Мәдениеттiң әлемдік және қазақстандық көкейкестi жаңалықтары.

  • Көкжиек

Теледәріс форматындағы ғылыми-танымдық жоба.

  • Алтын көмбе

Бағдарламаның басты мақсаты – кітаптарға сүйіспеншілікті ояту.

  • Өркениет

Бағдарламаның негізгі арқауы: қарыштап дамыған заманауи мәдениеттің артықшылығы, жаһандану мәселелері болмақ.

  • Раскрытая партитура

Бағдарламаның негізінде – классикалық музыка, жанрлар, орындаушылар, классикалық музыканың жекеленген шығармалары.

  • Легенды и мифы Оперного

Музыкалық танымдық жанрдағы бағдарламалар циклі опера және балет өнерінің әйгілі тұлғалары туралы болмақ.

  • Қыл қалам

Қазақстан суретшілерінің антологиясы.

  • Кітапхана

Бағдарламаның негізгі өзегі – қазақ әдебиетінің кеңінен танымал шығармалары мен көне жәдігерлер туралы осы сала мамандарының пікірлері.

  • Ғасырлар пернесі

«Қазақконцерт» залында өтетін музыкалық кештер.

  • Әлі есімде

Ән тарихына арналған бағдарлама.

  • Ақ сарай

Жоба барысында дәстүрлі өнерге қатысты көптен бері көкейде жүрген мәселелер көтеріледі. [3]

БАҚ Телеарна туралы[өңдеу]

Дереккөздер[өңдеу]

  1. «Мәдениет» телеарнасы — Телеарна туралы  (қаз.). — Телеарна. Тексерілді, 29 қараша 2011.
  2. «Мәдениет» телеарнасы ашылды  (қаз.). — Жаңалықтар. Тексерілді, 29 қараша 2011.
  3. «Мәдениет» телеарнасы — Бағдарламалар  (қаз.). — Бағдарламалар. Тексерілді, 29 қараша 2011.