Наз мемлекеттік би театры

Уикипедия — ашық энциклопедиясынан алынған мәлімет
Навигацияға өту Іздеуге өту
Наз мемлекеттік би театры
Орналасуы Астана
Негізделгені 1999 жылы
 Қазақстан Астана
Директоры Ағымбаев Еркебұлан Мүлікұлы
Көркемдік жетекшісі Қадиша Ағымбаева
Бас балетмейстері Қадиша Ағымбаева

Наз мемлекеттік би театры МКҚК — 1999 жылы Астана мемлекеттік филармониясы жанынан құрылды. Өнер ордасының іргетасын қалаған, биші, ҚР Мәдениет қайраткері Еркебұлан Ағымбаев пен биші, Қазақстанның еңбек сіңірген қайраткері Қадиша Ағымбаеваның ұйымдастырылуымен құрылған би ансамблі.

  • «Наз» халық би ансамбілі 1999 жылы Астана мемлекеттік филармониясы жанынан құрылды.
  • 2007 жылдың 1 наурыз айынан бастап қала әкімшілігінің шешімімен «Наз» мемлекеттік би театры» МКҚК болып өз алдына бөлек шаңырақ құрған ұжым.
  • Театрда балет залы, көрермен залы 280 адамға және әкімшілікке арналған кабинеттер бар.
  • Бүгінде театр репертуарында 100 астам ұлттық билер мен оннан астам хореографиялық спектаклдер бар. Театр бишілері ұлттық билер мен бірге әлем халықтарының билерін кәсіби деңгейде орындап жүр. Мемлекетіміздің имиджін қалыптастыруда да «Наз» мемлекеттік би театрының еңбегі ересен. Шетелдерде еліміздің атынан бірнеше ісшараларға қатысып, абыроймен өнер көрсетіп жүр.
  • «Наз» би театры Республикадағы өтетін барлық мәдени-бұқаралық, мерекелік іс-шаралардың және өз елімізбен шет елдерде өтетін ауқымды азия ойындары, байқаулар мен фестивальдардың белсенді қатысушысы театр ұжымы.
  • Түркия, Мәскеу, Қытай Халық Республикасы, Оңтүстік Корея, Болгария, Грекия, Қатар, Бельгия, Голландия, Франция, Арабия және норвегия мемлекеттерінде ұлттық би өнерін насихаттап, қазақ биінің сұлулығы мен сымбатын тамсандыра көрсетіп, тұғырын биік ұстап келе жатқан ұжым.
  • Театрдың репертуарлық саясаты тым тереңде жатыр. Репертуар әсемдік пен әдемілікті ғана көрсетіп қоймай, басты назарда қазақ тарихын, фольклорын, музыкасын, этнографиясын көрсетуді мақсат тұтады. Оған «Білезік ойыны», «Серпін», «Шернияз», «Көктем билері» мысал бола алады. Ал «театр» деген атқа лайық болу үлкен еңбекті талап ететіні сөзсіз. Осыған дейін «Тұйғындар», «Нұрғиса», «Мың бір түннің бір түні», «Болеро», «Ақ пен қара», «Усана» атты хореографиялық спектакльдерді көрермен назарына ұсынды. Осындай ірі тәжірибелер мен эксперименттердің нәтижесінде 2019 жылы «Шыңғысхан» хореографиялық спектаклі сахнаға жол тартты. Бұл қойылым өз заманының аса ірі әскери және мемлекет қайраткері Шыңғысханның өмірі мен ерен еңбегіне арналған. Қойылымда аңыз-әңгімелерге сүйене отырып, Шыңғыс ханның бала кезінен бастап, ер жетіп, ел билеген кезеңдері қамтылды.

Жеткен жетістіктері

[өңдеу | қайнарын өңдеу]
  • 2001 жылы II Республикалық Ш.Жиенқұлова атындағы қазақ би конкурсының лауреаты (Орал қаласы);
  • 2001 жылы IV –Халықаралық «Шабыт» шығармашыл жастар фестивалінің бас жүлдегері;
  • 2002 жылы Қазақстан жастар одағы сыйлығының лауреаты;
  • 2004 жылы Қытайда театр «Алтын мүсін» иегері атанды;
  • 2006 жылы Халықаралық «Қосалқа» халық би фестивалінің дипломымен марапатталды;
  • 2006 жылы Ағымбаева Қадиша Ермекбайқызына «Қазақстанның еңбек сіңірген қайраткері» құрметті атағы берілді;
  • 2007 жылы Халықаралық «Шабыт» халық би фестивалінің дипломымен марапатталды;
  • 2007 жылы Астана қаласының Мәдениет департаментінің бастығы С. Абдрахманов мырзаның дипломымен марапатталды;
  • 2008 жылы Worldfestival Parad Brunssum фестивалінің сертификатымен марапатталды Голландия, Еуропа;
  • 2008 жылы Интернационалдық фольклорлі фестивалінің дипломымен марапатталды- Warffum (Нидерланды);
  • 2009 жылы «Наз» театры Астана күніне орай мерекенің өтуіне белсенділік танытқаны үшін Астана қаласы әкімі И.Н.Тасмағамбетов мырзаның «Алғыс хатымен» марапатталды.
  • 2009 жылы «Наз» театрының ұжымы «Қазақ елі» сәулеттік-мүсіндік кешенінің ашылу рәсімінің жоғары деңгейде өткізілуіне қосқан үлесі үшін Астана қаласының Мәдениет басқармасы бастығы Е.Ағымбаев мырзаның «Алғыс хатымен» марапатталды.
  • 2009 жылы Астана қаласының Мәдениетін дамытуға қосып жүрген үлесі үшін «Наз» театры Астана қаласы Әкімінің орынбасары Ә.Рахымжанов мырзаның «Алғыс хатымен» марапатталды.
  • 2010 жылы ҚР Египет Араб Республикасының Төтенше және өкілетті Елшісінің Египет Араб республикасы арасындағы ынтымақтастығын дамытуға қоскан үлесі үшін «Наз» мемлекеттік би театрының ұжымына алғыс білдіреді.
  • 2010 жылы Қазақстан халқы ассамблеясының төрағасының орынбасары Е.Тоғжановтың алғыс хаты.
  • 2010 - 2011 жылдары «Наз» мемлекеттік би театры Астана қаласы әкімі Иманғали Тасмағамбетов мырзаның «Алғыс хатымен» марапатталды;
  • 2012 ж. «Астана 2012 – түркі әлемінің мәдени астанасы» атты мерекелік іс-шараға қатысқаны үшін Тюрскойдың бас хатшысы Д.Қасейіновтың алғыс хатымен марапатталды;
  • 2012 ж. «Наз» мемлекеттік би театры «Уфа – бірлік пен достастық қаласы» атты фестиваліне қатысқаны үшін, Уфа қаласының қалалық округі әкімшілігінің мәдениет басқармасының бастығы И.Р.Мамбетовтың алғыс хатымен марапатталды;
  • 2013 ж. Театр әртісі Тұрсынова Айнагүл Бахытқызы «Мәдениет саласының үздігі» атағын алды;
  • 2013 ж. Театр әртісі Умашева Аяжан Молдағалиқызы «Мәдениет саласының үздігі» атағын алды;
  • 2015 жылы, маусым айында «Наз» мемлекеттік би театры 15 жылдық мерейтойын салтанатты концертпен атап өтті;
  • «Наз» мемлекеттік би театры 2015-2016 жылдары Түркия, Біріккен Араб Әмірліктеріне, Израиль елдеріне гастрольдік іс-сапарға шықты;
  • 2016 жылдың, наурыздың 19-29 аралығында театр әртістері «Тюрксой Халықаралық ұйымының» ұйымдастыруымен Түркия мемлекетінің Стамбул, Анкара, т.б. қалаларында өтіп жатқан «Навруз-байрамы»атты мерекелік іс-шарасына қатысты;
  • 2016 жылы, 3-6 шілде аралығында «Наз» мемлекеттік би театры «Биле, Астана» атты би фестивалін ұйымдастырып, өткізді;
  • 2017 ж. М.Эсамбаев атындағы IX Халықаралық фестивалінің лауреаты атанды (Грозный);
  • 2018 ж. XXI «Шабыт» Халықаралық шығармашыл жастар фестивалінің Гран При иегері.
  • 2018 ж. Театр артисі, педагог-репетитор Атымтаева Әлия Тастемірқызы "Қазақстанның еңбек сіңірген қайраткері" атағын алды.