Николай Ильич Беляев

Иван Дмитриевич Яковлев
Лауазымы
Қазақстан Компартиясы Орталық Комитетінің Бірінші хатшысы
26 желтоқсан 1957 — 19 қаңтар 1960
Ізашары	Иван Дмитриевич Яковлев
Ізбасары	Дінмұхамед Ахметұлы Қонаев
Өмірбаяны
Дүниеге келуі	13 ақпан 1903 (1903-02-13) Уфа Губерниясы
Қайтыс болуы	28 қазан 1966 (1966-10-28) (63 жас) Мәскеу

Николай Ильич Беляев (13.2.1903 Уфа губерниясы–1966, Мәскеу қаласы) – саяси қайраткер, Қазақстан Компартиясы ОК-нің 1-хатшысы (1957 – 60).

Өмірбаяны

• 1925 жылы Москва халық шаруашылығы институтын бітірген.
• 1925 – 43 жылдары Батыс Сібірдегі жергілікті партия, кеңес органдарында басшы қызметтер атқарды.
• 1943 – 55 жылдары Алтай өлкелік партия комитетінің 1-хатшысы
• 1955 – 57 ж. КОКП ОК-нің хатшысы, әрі РКФСР жөніндегі бюро басшысының орынбасары болды.
• 1957 – 60 жылдары Қазақстан Компартиясы ОК-нің 1-хатшысы болып істеді. Беляевтың билігі кезінде Қазақстанда Теміртау жұмысшыларының көтерілісі болды. Қарағандыда екі кокс батареясы және екі домна, Соколов – Сарыбай тау-кен байыту комбинаты, Бұқтырма СЭС-І, т.б. өндіріс нысандары дүниеге келді. 1957 – 59 жылдары Қазақстанға сырттан жарты млн-ға жуық адам әкелінді. Өндіріс пен құрылысты басқару жүйесі өзгерді. Сол мақсатпен 9 экономикалық аудан құрылды. Әр экономиялық ауданда халық шарушылығы кеңесі құрылды. Қазақстан бойынша Қазақстандық халық шаруашылығы кеңесі пайда болды. Тың өлкесін құру жұмыстары аяқталды. Бірақ бұл реформа өзін ақтамады. Шаруашылық механизмі әкімшілік басқару әдеттерінен экономикалық ынталандыру жолына түсе бастады. Репрессиялық аппарат бәсеңдеді. Халықтың тұрмысы біршама жақсарды. Интернационализм үгіт-насихаты бұрын-соңды болмаған деңгейге жетіп, қазақ мектептері көптеп жабылды.
• Қазақстаннан кеткеннен кейін Б. КОКП Ставрополь өлкелік комитетінің 1-хатшысы болып істеді.

Марапаттары

• 2 рет Ленин
• 2 рет Еңбек Қызыл Ту ордендерімен
• медальдармен марапатталған.