Пантелеймон Кондратьевич Пономаренко

Пантелеймон Кондратьевич Пономаренко (9.8. 1902, Ресей, Краснодар өлкесі, Щелков ауданы — 1984) — қоғам және мемлекет қайраткері, генерал-лейтенант (1943). 1954 жылдың ақпанынан 1955 жылдың тамызына дейін Қазақстан КП ОК-нің 1-хатшысы болды.

• Краснодар жұмысшы факультетін (1927), Мәскеу көлік инженерлері институтын (1932) бітірген.
• 1938 жылға дейін әскер қатарында болды, инженерлік қызмет атқарды.
• 1938 ж. БК(б)П ОК аппаратында нұсқаушы, бөлім меңгерушісінің орынбасары
• 1938 — 47 ж. Белоруссия К(б)П ОК-нің 1-хатшысы
• 1942 — 44 ж. Жоғарғы Бас командование ставкасы жанындағы орталығы партизан қозғалысы штабының бастығы
• 1944 — 48 ж. Белоруссия ХКК-нің, Министрлер Кеңесінің төрағасы.
• 1948 жылдан БК(б)П ОК-нің хатшысы
• 1950 — 53 ж. КСРО Дайындау министрі, КСРО Министрлер Кеңесі төрағасының орынбасары.
• 1953 — 54 ж. КСРО Мәдениет министрі.
• 1954 жылдың ақпанынан 1955 жылдың тамызына дейін Қазақстан КП ОК-нің 1-хатшысы болды. Пономаренко Қазақстанды басқарған кезде тың және тыңайған жерлерді игеру қарқынды түрде жүріп, республикаға басқа ұлт өкілдері көптеп әкелінді.
• 1955 — 62 ж. КСРО-ның Польшадағы, Үндістандағы, Непалдағы, Нидерландыдағы елшісі
• 1961 — 62 ж. Атом энергиясы жөніндегі халықаралық агенттікте Кеңес Одағының өкілі.
• Бірнеше орден, медальдармен марапатталған.