Нұра-Есіл каналы

Нұра-Есіл каналы
Орналасуы
Ел	Қазақстан
Аймақ	Ақмола облысы
Сипаттамасы
Ұзындығы	25 км
Су шығыны	13,4 м³/с
Су ағысы
Бастауы	Нұра
· Бастауының орны	Қызылжар ауылынан төменде 3 км жерде
50°54′46″ с. е. 71°19′52″ ш. б.50.912749° с. е. 71.330979° ш. б. / 50.912749; 71.330979
Сағасы	Есіл
· Сағасының орны	Тельман елді мекені маңы
51°05′44″ с. е. 71°28′06″ ш. б.51.095466° с. е. 71.468309° ш. б. / 51.095466; 71.468309
— бастауы, — сағасы

Нұра-Есіл каналы – Ақмола облысы Целиноград ауданындағы су жүйесі. Астана қаласын және Целиноград ауданы аумағындағы ауыл шарушылығы кәсіпорындары мен егістіктерін сумен қамтамасыз етуге байланысты 1974 жылы салынған. Нұра өзенінен Есіл өзеніне Преображенка ауылы маңында бөгет салынып, ол суды өз бетімен каналға құйылуын қамтамасыз етеді.

Гидрологиялық сипаты

Ұзындығы 25 км, секундына 13,4 м³ су өткізе алады. Қызылжар ауылынан төменде 3 км жерде Нұра өзенінен бөлініп шығып, Астана қаласының оңтүстік шетіндегі Тельман елді мекені маңында Есіл өзеніне құяды. Су ғимаратына Нұра өзеніне салынған су көтеру гидроторабы, 1-сорғыш және сүзгі стансалар жатады. Қазіргі кезде Қарағанды–Теміртау өнеркәсіптік ауданының ақаба сулары (сынап, т.б. зиянды улы құраушылары бар) Нұра өзенін ластаған. Осыған байланысты Нұра өзенін техникалық тазартудан өткізбесе пайдалануға болмайды. Астана қаласын тапшы сумен қамтамасыз етуге қосымша жер асты, қайтарма суды, тастанды ақаба суларын пайдалануды ұлғайту қажет болып отыр. Қазір канал Целиноград ауданының 2,7 мың га жерін суғарады және суландырады.