Патрис Эвра

Уикипедия — ашық энциклопедиясынан алынған мәлімет
Jump to navigation Jump to search
Патрис ЭвраФутбол
Patrice Evra Euro 2012.jpg
Жалпы мағлұмат
Туған күні 15 маусым 1981(1981-06-15) (38 жас)
Дакар, Сенегал
Азаматтығы  Франция
Бойы 174
Салмағы 74
Позиция қорғаушы
Клуб жайлы ақпарат
Клуб Англия Вест Хэм Юнайтед
Карьера
Жастар клубы
1992—1993 Франция Лез-Юлис
1993—1997 Франция Бретиньи
1997—1998 Франция Пари Сен-Жермен
Клуб карьерасы*
1998—1999 Италия Марсала 24 (3)
1999—2000 Италия Монца 3 (0)
2000—2002 Франция Ницца 40 (1)
2000—2001 Франция Ницца B 18 (1)
2002—2006 Франция Монако 120 (1)
2006—2014 Англия Манчестер Юнайтед 273 (7)
2014—2017 Италия Ювентус 53 (3)
2017 Франция Олимпик Марсель 15 (1)
2018— Англия Вест Хэм Юнайтед 0 (0)
Ұлттық құрамы**
2002—2003 Франция Франция-21 11 (0)
2004— Франция Франция 81 (0)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

** Ресми матчтарда ұлттық құрамда болған ойындары мен голдар саны.

Патрис Латир Эвра (фр. Patrice Latyr Evra, [patʁis evʁa]; родился 15 мамыр 1981, Дакар) — француз футболшысы, «Вест Хэм Юнайтед» клубының қорғаушысы.

Карьерасы[өңдеу]

2008 жыл

Сенегал астанасы Дакар қаласында өмірге келген. Патрис үш жасқа толғанда ата-анасы Еуропаға көшіп өтті. 1984-88 жылдары Париж маңындағы Лез Юлис елді мекенінде тұрды. Патрис "Лез-Юлис" клубының балалар командасында ойнап, кейін "Бретини" клубына ауысады. Осы жерде ойнап жүріп "Пари Сен-Жермен" клубына өтеді.

Кәсіби карьерасын 1999 жылы бастады. Францияның бірнеше клубтарында ойнап, 2006 жылы "Манчестер Юнайтед" командасына өтеді. Карьерасындағы ең ұзақ ойнаған клубы осы "Манчестер Юнайтед" Сегіз жыл бойы негізгі құрамда тұрақты ойнап, мүмкін болған жүлделерден тек Еуропа Суперкубогын ғана ұта алмайды, қалғандарына түгел қол жеткізеді.

Патрис ойнаған командалар УЕФА Чемпиондар Лигасының финалына бес рет шықты (МЮ — 2008, 2009, 2011, "Ювентус" — 20156 2017). Соның біреуінде ғана, 2008 жылы манчестерліктер "Челсиден" басым түсті. Қалған үш финалда да "Барселонадан" ұтылып қалды. Патрис төртеуінде негізгі құрамда алаңға шығып, тек 2015 жылғы финалда ғана 89-минутта орнын Кингсли Команға босатты.

2014 жылы жазда "Ювентуске" ауысты. Үш жылдай ойнап, 2017 жылы "Олимпик Марсельдің" құрамын толықтырды. 2018 жылы қаңтардан бастап "Вест Хэм Юнайтед" сапында доп теуіп келеді.

Ұлттық құрамада[өңдеу]

Ұлттық құрамаға 2004 жылы шақырылды. Бірақ сол жылғы Еуропа чемпионатына қатысқан 23 футболшының қатарына қосыла алмады. Алғашқы рет Еуропа чемпионатынан кейін 18 тамыз күні Босния және Герцеговина құрамасымен өткен жолдастық кездесуде алаңға шықты. Алғаш қатысқан ірі турнирі — 2008 жылғы Еуропа чемпионаты. Кейін де екі рет Еуропа чемпионатына (2012, 2016), екі рет әлем чемпионатына (2010, 2014) қатысты.

Жетістіктері[өңдеу]

Командалық[өңдеу]

«Монако»

  • Француз Лигасының кубогы: 2002/03

«Манчестер Юнайтед»

  • Англия чемпионы (5): 2006/07, 2007/08, 2008/09, 2010/11, 2012/13
  • Футбол Лигасының кубогы (3): 2005/06, 2008/09, 2009/10
  • Англия суперкубогы (4): 2007, 2008, 2011, 2013
  • Чемпиондар Лигасы УЕФА: 2007/08
  • Клубтар арасындағы әлем чемпионы: 2008

«Ювентус»

  • Италия чемпионы (2): 2014/15, 2015/16
  • Италия кубогы (2): 2014/15, 2015/16
  • Италия суперкубогы: 2015

Жекелей жетістіктері[өңдеу]

  • Жылдың үздік жас футболшысы: 2003/04
  • Англиядағы жылдың символикалық командасы(3): 2006/07, 2008/09, 2009/10

Жеке өмірі[өңдеу]

Болашақ жары Сандрамен 1994 жылы танысқан. Патрис пен Сандораның екі баласы бар, ұлдары Ленни (2005), қыздары Маона.

Патрис Эвра бірнеше тілде сөйлей алады. Французша, португалша, италиянша, испанша және ағылшынша. "Манчестер Юнайтедке" ауысқан соң Пак Чи Соннан корейше үйренбек болыпты, бірақ Патристің айтуынша, корей тілі тым күрделі екен.