Песняры

Уикипедия — ашық энциклопедиясынан алынған мәлімет
Jump to navigation Jump to search
«Песняры́»
суреті
Негізгі ақпарат
Жанры

фолк-рок, фолк, арт-рок, поп-рок,

Белсенділік
жылдары

1969 — 2003

Мемлекет

Беларусь

Қайдан

Минск

Басқаша атауы

«Белорусские песняры»

Өлеңдерінің
тілдері

белорусша, орысша

«Песняры» — 1969 жылы Владимир Мулявиннің басшылығымен Минскіде құрылған вокалды-аспаптық ансамбль.

Тарихы[өңдеу | қайнарын өңдеу]

"Песняры" вокалды-аспаптық ансамблі 1969 жылы пайда болды. Оны құру Минск филармониясының көркемдік кеңесінің бастамасымен жүзеге асты. Сондай-ақ, "Песняры" тобының негізін қалауға "Лявоны" вокалды-аспаптық тобы үлкен рөл атқарды. "Лявондар" тобы уақыт өте келе өз бағдарламасымен өнер көрсетіп, сахналық атауын өзгертуге шешім қабылдады.[1] Ансамбль бастапқыда фольклор ретінде өңделген беларусь халық әндеріне негізделген әндерді орындады. Біртіндеп олар заманауи шетелдік музыканы беларусь әуендерімен үйлестіре отырып, өзіндік стилін ойлап тапты.

Топ атын өзгерту[өңдеу | қайнарын өңдеу]

1970 жылы топ "Песняры" атауына ауысып, осы жылы Мәскеуде өткен IV Бүкілодақтық эстрада әртістерінің байқауына қатысады. Нәтижесінде вокалды-аспаптық ансамбль екінші орынды жеңіп алады. Ұжым үшін бұл үлкен жетістік болды. Олар бұл атақты Лев Лещенкомен және Грузияның "Диэло"ансамблімен бөлісті. Сол жылы "Песняры" вокалды-аспаптық тобы Бүкілодақтық саяси әндер байқауында үздік орындаушылар атағын жеңіп алды.[2]

Алғашқы диск[өңдеу | қайнарын өңдеу]

Топқа түрлі байқауларда, фестивальдарда және іс-шараларда өнер көрсетуге ұсыныстар түсе бастады. Солардың бірі танымал әндер мен музыкалар фестиваліне шақырту болды.

1970 жылдың соңында ұжымға «Золотые яблоки» көркемөнерпаздар тобының бұрынғы солисі Леонид Борткевич шақырылды. 1971 жылы топ жаңа деңгейге көтеріліп, «Песняров» деп аталатын алғашқы дискісін шығарды.[3]

Шетелге гастрольдік сапарлар[өңдеу | қайнарын өңдеу]

1970 жылы "Песняры" вокалды-аспаптық ансамблі шетелге алғашқы сапарларына шығады. Олар әлемде концерттер берумен қатар, көптеген іс-шаралар мен фестивальдерге қатысады. 1971 жылы тамыз айында Сопоттағы (Польша) Халықаралық ән фестивалінде өнер көрсетті.[4] 1976 жылы «Песняры» АҚШ-қа гастрольдік сапармен барған алғашқы кеңестік вокалды-аспаптық ансамбль болды. Ансамбль Вирджиния, Батыс Вирджиния, Солтүстік және Оңтүстік Каролина, Джорджия, Теннесси, Миссури және Луизиана штаттарындағы 13 қалада өнер көрсетті.[5]

1976 жылы топ Канны (Франция) қаласында өткен фестивалға қатысты.[6] Бұл фестивалға өз елінде ең көп жазба шығарған орындаушылар шақырылды (1976 жылға қарай «Песняры» 45 миллионға жуық жазба шығарды).

Ленин комсомолы сыйлығы[өңдеу | қайнарын өңдеу]

1977 жылы "Песняры" 1975-1976 жылдардағы концерттік бағдарламалары үшін және жастар арасында патриоттық әндерді белсенді насихаттағаны үшін Ленин

"Жыл әні-1976" Песняры "Вологда" әнін орындауда

комсомолы сыйлығына ие болды.

1979 жылы "Песняры" әншілерінің көпшілігі БССР-ға еңбек сіңірген әртістері атағын алды: Александр Демешко (барабан), Леонид Тишко (бас гитара), Анатолий Кашепаров (вокал), Леонид Борткевич (вокал) және Владислав Мисевич (флейта, саксофон, жалейка, окарина); ал ұжым жетекшісі Владимир Мулявин Беларусь КСР Халық әртісі атағы.[7]

1980 жылдары топта үлкен өзгерістер болды. Екі қатысушы топтан кетіп, ал қалған қатысушылар оларды ауыстыруға мәжбүр болды. Сондай-ақ, бірнеше қатысушылардың кетуіне байланысты ансамбль стилі айтарлықтай өзгерді.

Рок-опералар[өңдеу | қайнарын өңдеу]

"Песняры" вокалды-аспаптық ансамблі жаңартылған құраммен музыкалық жанрлармен тәжірибе жасау арқылы жаңа жанкүйерлері тартуға тырысты. 1980 жылдардың басында топ фолк-рок, джаз-рок, арт-рок және музыкадағы басқа да жанрларға бет бұра отырып 2 рок операсын - «Песня о доле» және «Гуслярды»[8] сахналады. Сондай-ақ, «Песняры» репертуарында Владимир Маяковскийдің поэзиясына қалыптасқан арт-рок және Роберт Бернстің өлеңдеріне құрылған «Весёлые нищие» концерттік бағдарламасы болды.[9]

Топтың бөлінуі[өңдеу | қайнарын өңдеу]

1998 жылы "Песняры" вокалдық-аспаптық ансамблінде үлкен өзгерістер болды. Осы кезеңде топтың алғашқы елеулі бөлінуі орын алады. Бұл оқиғаның бірнеше себептері болды: кеңестік сахнадағы дағдарыс және ансамбль директорының ауысуы. Ансамбль жетекшісі Владимир Мулявин көркемдік жетекшіге төмендетіліп, топтың жаңа директоры Владислав Мисевич болды. Жаңартылған топқа жаңа қатысушылар да тартылды. Бұл құрамда «Песняры» бір жылға жуық жұмыс істеді, бірақ содан кейін топ бөліне бастады.[10] Ансамбльдің барлық мүшелері топтан кету туралы өтініш жазып «Белорусские песняры» деп аталатын жаңа топ құрып бірден гастролдік сапарға шықты. Содан кейін Мулявин жастардан тұратын жаңа құрамды жинай бастады.

Дағдарыс[өңдеу | қайнарын өңдеу]

2003 жылға дейін "Песняры"вокалдық-аспаптық ансамблі концерттермен ел аралап, жаңа әндер мен альбомдар шығарды және үнемі жаңа концерттік бағдарламалармен жұмыс істеді. 2003 жылы 26 қаңтарда В.Мулявин жол апатында қайтыс болғаннан кейін топ баяу ыдырай бастады, оның орнына сахнаға оларға ұқсас ансамбльдер шыға бастады. 2009 жылға қарай «Песняры» атымен бірнеше топтар шығып "Песняры" вокалды-аспаптық ансамблінің әндерін орындай бастады. Осыған байланысты Беларусь үкіметі бұл мәселе бойынша, "Песняры" және "Белорусские песняры" ансамблінен басқа барлық топтар заңсыз деп танылсын деген мәлімдеме жасады.

"Песняры" вокалдық-аспаптық ансамблінің Қазақстандағы гастролі[өңдеу | қайнарын өңдеу]

  • 07.07.1981 ж. Екібастұз қаласы, 2 концерт. «Весёлые нищие» концерттік бағдарламасы
  • 13.07.1981-19.07.1981 Павлодар қаласы, «Весёлые нищие» концерттік бағдарламасы
  • 11.10.1983-18.10.1983 Байқоңыр ғарыш айлағы, 10 концерт.
  • Маусым айы.1988 Қазақстан қалалары бойынша гастрольдер: Степногорск, Ақмола, Қостанай, Павлодар. Коммерциялық сапар.[11]

Құрамы[өңдеу | қайнарын өңдеу]

Ең танымал қатысушылар:

  • Владимир Мулявин (гитара, вокал, 1968–2003)
  • Валерий Мулявин (гитара, труба, 1968–1973)
  • Леонид Барткевич (вокал, 1969–1980)
  • Анатолий Кашепаров (вокал, 1970–1990)
  • Валерий Дайнека (вокал, альт, 1976–1992)
  • Игорь Пеня (вокал, 1980–1998)
  • Леонид Тышко (бас-гитара, 1968–1981)
  • Владислав Мисевич (саксофон, флейта, 1968–1992)
  • Александр Демешко (барабан, 1968–1988)
  • Валерий Яшкин (клавиштік аспаптар, шарманка , 1968–1977)
  • Владимир Николаев (клавиштік аспаптар, тромбон, 1971–1980)
  • Чеслав Поплавский (скрипка, гитара, 1972–1979)

Марапаттары[өңдеу | қайнарын өңдеу]

  • Эстрада әртістерінің IV Бүкілодақтық байқауының лауреаты (II сыйлық, 1970),
  • Бүкілодақтық Кеңестік ән байқауының лауреаты (1 сыйлық, Минск, 1973),
  • Зелена-Гура (Польша) қаласында өткен Кеңес әндері байқауының лауреаты,
  • X -дүниежүзілік жастар мен студенттер фестивалінің лауреаты (Берлин, Герман Демократиялық Республикасы, 1973),
  • Халықаралық «Алтын арыстан» ән фестивалінің лауреаты (Лейпциг, ГДР], 1973)
  • Болгарияда өткен «Алтын Орфей» Халықаралық эстрада әртістері байқауының лауреаты (1974)
  • 2-ші Халықаралық саяси әндер фестивалінің лауреаты (Хельсинки, 1978)
  • Беларуссия Ленин комсомолы сыйлығының лауреаты (1976)
  • Ленин комсомолы сыйлығының лауреаты (1977)
  • «Мелодия» фирмасының «Алтын диск» бас жүлдесі (1982)[12]

Дереккөздер[өңдеу | қайнарын өңдеу]

  1. https://zen.yandex.ru/media/vagant/snachala-ansambl-pesniary-nazyvalsia-liavony-smena-nazvaniia-byla-vynujdennoi-ukazanie-sverhu-5f6e12e5fde6297ce3c6b6d2 Сначала ансамбль "Песняры" назывался "Лявоны".
  2. https://ale07.ru/music/notes/song/estrada/laureaty1_7.htm Ансамбль «ПЕСНЯРЫ»
  3. https://zen.yandex.ru/media/music_community/pervyi-disk-ansamblia-pesniary-5d08896e69e47200af79e734 Первый диск ансамбля «Песняры»
  4. https://fishki.net/1892668-pesnjary-na-sopotskom-festivale-1971-god.html Песняры на Сопотском фестивале, 1971 год
  5. https://www.kp.by/daily/217176/4279110/
  6. https://zen.yandex.ru/media/id/5b50a96467efea00a91df2e2/pesniary-pokoriaiut-evropu-5faa848472bf936f47dcb1cf "Песняры" покоряют Европу...
  7. https://naviny.online/rubrics/culture/2008/10/04/ic_articles_117_159306 Звание заслуженного артиста БССР Владимир Мулявин получил в Чувашии
  8. http://vma-pesnyary.com/programs/guslyar.php Гусляр
  9. https://prosound.ixbt.com/recording/burns.shtml Второе рождение "Веселых нищих"
  10. https://www.kp.by/daily/26892/3936618/ 20 лет назад раскололись «Песняры»: В день рождения Мулявину сказали, что «Песняры» возглавит Мисевич
  11. http://vma-pesnyary.com/hron/vistupl.php Песняры: хронология выступлений
  12. https://melody-su.livejournal.com/30212.html

Сілтемелер[өңдеу | қайнарын өңдеу]