Питер Богданович

Питер Богданович
	Питер Богданович
	ағылш. Peter Bogdanovich
	; Питер Богданович (1973)
Жалпы мағлұмат
Туған күні	30 шілде 1939
Туған жері	Кингстон, Нью-Йорк, АҚШ
Қайтыс болған күні	6 қаңтар 2021 (81 жас)
Қайтыс болған жері	Лос Анжелес, Калифорния, АҚШ
Азаматтығы	АҚШ
Мамандығы	режиссёр; сценарийші; актёр; кинопродюсер
Белсенді жылдары	1966 — 2021
Марапаттары	«BAFTA» (1973); «Грэмми» (2009)
IMDb	ID 0000953
	Ортаққордағы Питер Богданович

Питер Богданович (ағылш. Peter Bogdanovich; 30 шілде, 1939 Кингстон, Нью-Йорк, АҚШ — 6 қаңтар, 2021 Лос Анжелес, Калифорния, АҚШ) — америкалық кинорежиссёр, сценарийші, актер, кинопродюсер сыншы және жазушы. «Жаңа Голливуд» қозғалысының көрнекті кинорежиссері болғанға дейін ол өзінің мансабын «Film Culture» және «Esquire» журналдарында кинотанушы ретінде бастады. Ол көптеген марапаттарға ие болды, соның ішінде «BAFTA» (1973) мен «Грэмми» (2009) марапаттары, сондай-ақ екі «Оскар» және екі «Алтын глобус» номинациялары.

Богданович Роджер Корманның «Жабайы періштелер» (The Wild Angels, 1966) фильміне жұмысқа орналасқанға дейін киножурналист болып қызмет етті. Оның толықметражды дебюті «Нысаналар» (Targets, 1968) фильмінен басталды. Оған үлкен атақ әкелген туындысы — «Соңғы киносеанс» (The Last Picture Show, 1971) драмасы болды. Бұл фильм үшін ол «Үздік режиссер» және «Үздік бейімделген сценарий» номинациялары бойынша «Оскар» сыйлығына ұсынылды. Одан кейін оның «Не болды, док?» (What's Up, Doc?, 1972) және «Қағаз ай» (Paper Moon, 1973) атты жоғары бағаланған фильмдері жарық көрді. Басқа да туындыларының қатарында «Әулие Джек» (Saint Jack, 1979), «Олардың бәрі күлді» (They All Laughed, 1981), «Бетперде» (Mask, 1985), «Сахна артындағы шу» (Noises Off, 1992), «Мысықтың мияулауы» (The Cat's Meow, 2001) және «Ол сондай қызық» (She's Funny That Way, 2014) фильмдері бар.

Актер ретінде Богданович «Сопрано әулеті» (The Sopranos) атты HBO сериалындағы рөлімен және Орсон Уэллстің соңғы фильмі — «Желдің екінші беті» (The Other Side of the Wind, 2018) арқылы танымал болды. Ол бұл фильмде ойнап қана қоймай, оның түсірілім жұмыстарын аяқтауға да көмектескен.^[1]

Богданович деректі кино жанрында да өнімді жұмыс істеп, «Джон Форд режиссурасы» (1971) және Бастер Китонның өміріне арналған «Ұлы Бастер» (2018) сияқты туындыларды жарыққа шығарды. Ал Том Петти мен «The Heartbreakers» тобы туралы түсірген «Арманға ұмтылу» (2007) фильмі үшін беделді «Грэмми» сыйлығын иеленді. Ол тек кино түсіріп қана қоймай, Говард Хоукс, Альфред Хичкок және Орсон Уэллс сияқты жақын достарынан алған терең сұхбаттары жинақталған бірнеше іргелі кітаптардың авторы атанды. Богдановичтің еңбектері көптеген ірі кинорежиссерлердің шығармашылығына әсер еткен маңызды туындылар ретінде аталып келеді.^[2]

Дереккөздер

↑ Carvajal, Doreen Hollywood Ending Near for Orson Welles's Last Film. The New York Times (October 28, 2014).
↑ Peter Bogdanovich, Director of The Last Picture Show and What's Up, Doc?, Dies at 82 (January 6, 2022). Тексерілді, 28 желтоқсан 2022.

Сыртқы сілтемелер

Питер Богданович (ағыл.) Internet Movie Database сайтында

[1] Carvajal, Doreen Hollywood Ending Near for Orson Welles's Last Film. The New York Times (October 28, 2014).

[2] Peter Bogdanovich, Director of The Last Picture Show and What's Up, Doc?, Dies at 82 (January 6, 2022). Тексерілді, 28 желтоқсан 2022.

[1]

[2]