Пит бест

Уикипедия — ашық энциклопедиясынан алынған мәлімет
Jump to navigation Jump to search
Пит Бест
Рандольф Питер Бест
Сурет
Пит Бест, 2005 жыл
Негізгі ақпарат
Белсенділік жылдары

1959 - 1968, 1988 - қазірге дейін

Мемлекет

Ұлыбритания

Мамандықтары

дағырашы

Ұжымдары

The Beatles, The Pete Best Band, Lee Curtis & the All Stars, Pete Best & the All-Stars, The Pete Best Four, The Pete Best Combo

http://www.petebest.com/

Пит Бест (ағл. Pete Best; толық аты Рандольф (Рэндольф) Питер Бест, 24-қараша 1941 ж. Мадрас, Британдық Үндістан) - британдық музыкант, әндердің авторы. «The Beatles» тобының дағырашысы ретінде әйгілі (1960 - 1962 жылдар аралығында).

Өмірбаяны[өңдеу]

Питтің анасы - Мона Бест-Ливерпульдегі “Казба” клубінің иесі. Сол жерде жиі «The Beatles» тобы өнер көрсететін. 1959 жылы олар Бестті топ құрамына шақырады.1962 жылы «Beatles»-тің ең бірінші EMI-ға берген дыбыс жазуына дейін топтың құрамында өнер көрсетті және 16-тамызда Ринго Старрға ауыстырылды. Оны топтан қуатыны жайлы оған топтағы әріптестері емес, «Beatles»-тің менеджері Брайан Эпстайн айтты. Бесттің кету себебіне оның барабанда ойнауы ұнамай қалған топтың жаңа ғана продюсері атанған Джордж Мартин себепкер болды.

Бірақ Бесттің кету себебі оның жаман ойнауында ғана емес деген ойлар бар. Топтың басқа мүшелерімен қарым-қатынасына байланысты ол топтың толықтай мүшесі болған жоқ. Леннон, Маккартни және Харрисон өздерінің бос уақыттарын бірге өткізген кезде Пит жалғыз өзі серуендеп жүрді. Ол топтың ортақ стилін қабылдаған жоқ - басқа битлдер сияқты киініп, шаш үлгісін жасаған жоқ. Және де басқа топ мүшелерімен мінезі жағынан келген жоқ.

Альберт Голдманның “Джон Леннон” атты кітабында бұл жағдайдың басқа нұсқасы келтірілген, оның айтуы бойынша, Пит топтағы жұлдыздың стандарттарына сай келетін жалғыз адам болған. Бесттің сымбаттылығы оның топтан кетуіне себеп болды.

Битлзден кейін[өңдеу]

Кейінірек Пит өзінің соло карьерасын бастады. Бірақ бұнынан ештеңе шықпады. Кейбір кездерде оның қаржылық жағдайы құлдырауға дейін барған. Бірақ 1995 жылы қаржыл «The Beatles Антологиясы» атты альбом жарық көргенде оған біраз ақшалай сыйлық табысталды.

2007 жылдың ақпанында Битлздің продюсері Джордж Мартин 1962 жылы топтан қуғаны үшін Пит Бесттен көпшілік алдында кешірім сұрады.

Дереккөздер[өңдеу]

  • The BEATLES: Иллюстрированный справочник / В. Ястребов, Ю. Герасимова, Н. Миронова. — Ульяновск: РИА «Симбвестинфо», 1999. — 936 с.: ил. — (Справочники от «Симбвестинфо») — ISBN 5-86174-011-9