Рузаев ауданы

Уикипедия — ашық энциклопедиясынан алынған мәлімет
Jump to navigation Jump to search
Аудан
Рузаев ауданы
Әкімшілігі
Ел

 Қазақ КСР

Кіреді

Петропавл округі, Қазақ АКСР, Қарағанды облысы, Солтүстік Қазақстан облысы, Көкшетау облысы

Әкімшілік орталығы

Рузаевка ауылы

Тарихы мен географиясы
Құрылған уақыты

3 қыркүйек 1928

Таратылған уақыты

2 мамыр 1997

Рузаев ауданы — 1928-1997 жж. болған Петропавл округі, Қазақ АКСР, Қарағанды, Солтүстік Қазақстан және Көкшетау облыстарының құрамындағы Қазақстанның солтүстігіндегі әкімшілік бірлік.

Тарихы[өңдеу | қайнарын өңдеу]

Рузаев ауданы КСРО БОАК Президиумының 1928 жылғы 3 қыркүйектегі Жарлығына сәйкес Қазақ АКСР Петропавл округінің құрамында құрылды. 1930 жылы 17 қазанда округтардың жойылуына байланысты республикалық орталық - Алматыға бағынышты болды.

1932 жылы 10 наурызда Рузаев ауданы жаңадан құрылған Қарағанды облысының құрамына енді.

1936 жылы 29 шілдеде КСРО Орталық Атқару Комитеті Президиумының Жарлығымен аудан жаңадан құрылған Қазақ АКСР (1936 ж. 5 желтоқсаннан бастап - Қазақ КСР) Солтүстік Қазақстан облысына берілді.

1944 жылы 16 наурызда Қазақ КСР Жоғарғы Кеңесі Президиумының Жарлығына сәйкес Қазақ КСР (1991 жылдан бастап - Қазақстан Республикасы) жаңадан құрылған Көкшетау облысына берілді.

1955 жылы 22 қазанда Рузаев ауданы аумағының бір бөлігі жаңа Қазан және Чистопол аудандарына берілді[1].

1997 жылы 2 мамырда Қазақстан Республикасы Президентінің Жарлығымен Рузаев ауданы таратылды, оның аумағы Көкшетау облысының Целинный ауданының құрамына кірді, ал 1997 жылы 3 мамырда Көкшетау облысының бүкіл аумағы, оның ішінде Целинный ауданы, Солтүстік Қазақстан облысына қосылды. 2002 жылы 11 маусымда Целинный ауданы Ғабит Мүсірепов атындағы аудан болып өзгертілді.

Елді мекендер[өңдеу | қайнарын өңдеу]

Сілтеме[өңдеу | қайнарын өңдеу]

  • Солтүстік Қазақстан облысының әкімшілік-аумақтық бөліну тарихы туралы анықтамалық (1936 ж. 29 шілде — 2007 ж. 1 қаңтар). — Петропавлов, 2007. — 361 б. — ISBN 978-601-7029-04-3.

Дереккөздер[өңдеу | қайнарын өңдеу]

  1. КСРО Жоғарғы Кеңесінің тізімдемелері. № 22 (840), 1955 ж.