Саиль Садырбекұлы Татубаев

Саиль Татубаев Саиль Садырбекұлы Татубаев
Толық аты	Саиль Садырбекұлы Татубаев
Туған күні	24 сәуір 1962 (1962-04-24)
Туған жері	Алматы, Қазақ КСР, КСРО
Қайтыс болған күні	20 маусым 2010 (2010-06-20) (48 жас)
Қайтыс болған жері	Алматы, Қазақстан
Мемлекет	КСРО→  Қазақстан
Мамандықтары	әнші
Жанрлары	поп-музыка
Ұжымдары	Oriental Sound
sail.ucoz.kz

Саиль Садырбекұлы Татубаев (1962–2010) — қазақстандық әнші, «Oriental Sound» тобының әншісі, филология ғылымдарының кандидаты.

Өмірбаяны

Саиль Татубаев 1962 жылы 24 сәуірде атақты опера әншісі, Абай атындағы Қазақ ұлттық опера және балет театрының солисті Садырбек Татубаевтың және ағылшын тілі мұғалімі С.Г. Ахметова отбасында дүниеге келді. Арғын тайпасындағы Қаракесек руының Жалықпас бөлімінен шыққан.

Алматы педагогикалық шет тілдер институтын бітірген соң, Мәскеу мемлекеттік лингвистикалық университетінің аспирантурасына түсіп, оны бітіріп, диссертацияны сәтті қорғады.

Алайда, әкесінен қалған музыка мен әнге деген махаббаты басым болды. Сондықтан Саиль сахнада ән айта бастады.

С. Татубаев «Oriental Sound» тобының солисті (1988 жылы құрылған), Қазақстан Республикасы Президенттік оркестрінің солисті, «Алматы — менің алғашқы махаббатым» фестивалінде бірнеше рет өнер көрсеткен және тұңғыш қазақстандық «Такыр» рок-операсында теңіз бөлігін тамаша орындаған.

Саиль Татубаев 2010 жылы 20 маусым күні Алматыда ауыр сырқаттан 48 жасында қайтыс болды.

Дискография

• Tales of Eurasia. Oriental Sound. (Another lullaby, The skies won’t open, Clumsy, Follow me, D.O.G. Man (Death — or — Glory), Again, Engagement, Ad astra, Talelike — taillike). — KMI Studio, Almaty, Kazakhstan. (2000). (ағыл.)

Сілтемелер

• Саиль Татубаев
• Танымал Қазақстандық әнші Саиль Татубаев қайтыс болды.
• Саильмен қоштасу