Сапармұрат Атаұлы Ниязов

Сапармұрат Атаұлы Ниязов (19.2.1940 ж. т. Қыпшақ ауылы, Ашқабат облысы - 21.12.2006 ж. Ашқабат қ.) – Түрікменстан Республикасының бұрынғы президенті.

Балалар үйінде тәрбиеленіп, 1967 ж. Санкт-Петербург политехникалық интернатын бітірген. 1970 – 1985 ж. Түрікменстанда әр түрлі партиялық басшы қызметтерде болды. 1985 ж. Түрікмен КСР-і Мин. Кеңесінің төрағасы, сол жылдың желтоқсан айында Түрікменстан КП ОК-нің 1-хатшысы болып сайланды. 1990 жылдың қаңтарынан бастап республика Жоғарғы Кеңесінің төр-ағасы қызметін қоса атқарды. Бүкілхалықтық тікелей дауыс беру арқылы. Түрікменстанның тұңғыш президенті болды. Ниязов ішкі саясатта ұлттық мәдениет пен ислам дініне сенім артты. Республика ақсақалдар құрылтайында (1994) оған “Түрікменстанның құрметті ақсақалы” деген атақ берілді. Түрікменстандағы 1 қала, 100-деген кәсіпорындар мен ұйымдар Ниязовтың есімімен аталады, көптеген жерлерде оған ескерткіш мүсіндер орнатылған. Ниязовтың бейнесі ұлттық ақша – манатқа басылған, ақындардың мадақтау, арнау өлеңдерін жариялайтын “Түрікменбашы” альманағы шығып тұрады.