Саят Мерекеұлы

Саят Мерекеұлы
Жалпы мағлұмат
Туған күні	10 наурыз 1951 (1951-03-10) (73 жас)
Туған жері	Талдықорған облысы Ақсу ауданы
Азаматтығы	КСРО  Қазақ КСР  Қазақстан
Мамандығы	актер
Белсенді жылдары	1978 - осы уақыт
Бағыты	драма
Марапаттары	Қазақстанның еңбек сіңірген қайраткері

Саят Мерекеұлы Мерекенов (1951 жылы 10 наурызда Талдықорған облысы Ақсу ауданында туған) — кино және театр актері. Қазақстанның еңбек сіңірген қайраткері (2010). Мұхтар Әуезов атындағы Қазақ мемлекеттік академиялық драма театрының актері (1987 жылдан). Ерен еңбегі үшін медалінің иегері (2002).

Толығырақ

• Саят Мерекеұлы 1951 жылы 10 наурызда Талдықорған облысы Ақсу ауданы Алғабас колхозында дүниеге келген.
• 1978 жылы Мәскеудің Щепкин атындағы Театр училищесін кино және драма актері мамандығы бойынша бітірген.
• 1987 жылдан Мұхтар Әуезов атындағы Қазақ мемлекеттік академиялық драма театрынің актерлік құрамында.

Сахнадағы негізгі рөлдері

Мұхтар Әуезов атындағы Қазақ мемлекеттік академиялық драма театры сахнасында: М.Әуезовтің «Абайында» Абай, Тәкежан (реж. Ә.Мәмбетов), Оразбай (реж.Е.Обаев), «Еңлік-Кебегінде» Қараменде (реж. Х.Әмір-Темір), «Дос-бедел доста» Тарих (реж. Қ.Жетпісбаев), «Қарагөзде» Сырым (реж.Ж.Есенбеков), Ғ.Мүсіреповтің «Қозы Көрпеш-Баян сұлуында» Қарабай (реж.Ә.Мәмбетов), Т.Ахтановтың «Жоғалған досында» Мырзахмет (реж.Ә.Мәмбетов), М.Әуезовтің «Қилы заманында» Әубәкір, Рахымбай, Ұзақ батыр (сахналық нұсқасы. Н.Оразалин, реж. Ә.Рахимов), С.Балғабаевтың «Тойдан қайтқан қазақтарында» Қошқарбай (реж. Ә.Рахимов), «Ғашықсыз ғасырында» Қайырбай (реж. Ә.Рахимов), Б.Римованың «Қос мұңлығында» Ақат (реж. Б.Атабаев), Шахимарденнің «Томирисіндегі» Парсы патшасы Кир (реж. Т.әл-Тарази), С.Торайғыровтың «Қамар сұлуында» Нұрым, (реж. Ә.Рахимов), І.Есенберлиннің «Ғашықтарында» Шерубай (реж. Қ.Сүгірбеков), Иран-Ғайыптың «Мен ішпеген у бар ма?» спектаклінде Оразбай (реж. А.Әшімов, О.Кенебаев), Б.Римова, Б.Атабаевтың «Абай десеміндегі…» Абай (реж. Б.Атабаев), Ш.Құсайыновтың «Үкілі Ыбырайында» Ақан сері (реж. Б.Атабаев), А.Сүлейменовтің «Төрт тақта – жайнамазында» Райфин, «Жетінші палатасында" Скоп, «Қыздай жесір – штат қысқартуында» Сәтов (реж. Ә.Рахимов), Ж.Аймауытовтың «Ақбілегінде» Автор (реж. А.Әшімов), Ә.Кекілбаевтың «Абылай ханында» Жомарт (реж. Б.Атабаев), С.Жүнісовтің «Кемеңгерлер мен көлеңкелерінде» М.Әуезов (Ә.Мәмбетов), «Өліарасында» Жақай Тайшиев (реж.Ж.Есенбеков), Ә.Ысқақ, Ә.Таразидің «Алатау сынды алыбымда» Ж.Жабаев (реж.Қ.Сүгірбеков), Қ.Мұхамеджанов, Ш.Айтматовтың «Көктөбедегі кездесуінде» Досберген және т.б көптеген рөлдері сомдайды.

Кино рөлдері

• 1993 жылы "Махаббат бекеті" фильмінде - мектеп директоры (реж: Талғат Теменов);
• 2003 жылы "Сардар" фильмінде - Хангелді (реж:Болат Қалымбетов);
• 2009 жылы "Біржан сал" фильмінде - Нұржан (реж: Досқан Жолжақсынов);
• т.б Қазақстандық көптеген кинофильмдерге түскен.

Марапаттары

• 2002 жылы елбасының жарлығымен "Ерен еңбегі үшін медалі" мен мараптталған.
• 2010 жылы "Қазақстанның еңбек сіңірген қайраткері" құрметті атағы берілді.
• 2016 жылы "ҚР тәуелсіздігіне 25 жыл" медалі берілді.