Талант Тұрдымаматұлы Мамытов

Уикипедия — ашық энциклопедиясынан алынған мәлімет
Навигацияға өту Іздеуге өту

Талант Тұрдымаматұлы Мамытов
қыр. Талант Турдумамат уулу Мамытов
Талант Тұрдымаматұлы Мамытов
Лауазымы
Ту
Жоғарғы Кеңестің 12-ші төрағасы
Ту
4 қараша 2020 — 5 қазан 2022
Президент Садыр Жапаров (уақытша)
өзі (уақытша)
Садыр Жапаров
Ізашары Қанатбек Исаев
Ізбасары Нұрланбек Шәкиев
Ту
Қырғызстанның уақытша президенті
Ту
14 қараша 2020 жыл — 28 қаңтар 2021 жыл
Ізашары Садыр Жапаров (уақытша)
Ізбасары Садыр Жапаров
Өмірбаяны
Партиясы Ынтымақ
Білімі Жүсіп Баласағұни атындағы Қырғыз Ұлттық Универсиеті
Дүниеге келуі 14 наурыз 1976 (1976-03-14) (46 жас)
Майлы-Су, Жалалабат облысы, Қырғыз КСР, КСРО
Жұбайы Чинара Мамытова
Балалары 4-еу

Талант Тұрдымаматұлы Мамытов (қыр. Талант Турдумамат уулу Мамытов) — қырғыз саясаткері, 2020–2022 жылдары Жоғарғы Кеңестің 12-ші төрағасы, Республика-Ата Жұрт фракциясының Жоғарғы Кеңестегі депутаты. Ол Кеңес төрағасы болып уақытша Президент Садыр Жапаровтың отставкаға кетуінен кейін сайланды, президент орнының бос болғандығынан ол сонымен қатар президент міндетінің орындаушысы жұмысын атқарған еді. Бір жылдан кейін президент Садыр Жапаров сайлауда жеңді.

Өмірбаяны[өңдеу | қайнарын өңдеу]

1976 жылы 14 наурыз күні Жалалабат облысы Майлуу-Суу қаласында дүниеге келген. 1993 жылы Қырғыз ұлттық университетінің заң факультетіне оқуға түсті. 1998 жылы оны бітірді.

2000 жылы Баткен облысы прокуратурасының заңдардың орындалуын және құқықтық актілердің заңдылығын қадағалау бөлімінің прокуроры болып жұмыс істей бастады.

2001-2002 жылдар аралығында Жалалабат облысының прокуратурасында сот шешімдерінің заң талаптары сақталуын қадағалау бөлімінің прокуроры қызметін атқарған. 2002-2004 жылдары - Жалал-Абад қалалық прокуратурасының аға тергеушісі. 2004-2005 жылдары Шатқал аудандық прокуратурасы прокурорының көмекшісі.

2005-2006 жылдары Қырғызстан Бас прокуратурасының Ұйымдастырушылық қамтамасыз ету және халықаралық байланыстар департаментінде бөлім прокуроры қызметін атқарған. 2006 жылдың сәуір-желтоқсан айлары аралығында Шу облысы Ыстықата ауданы прокурорының орынбасары болды.

2006-2007 жылдары Жалалабат облысы Созақ ауданы прокурорының орынбасары, 2007-2009 жылдары Жалалабат облысы Тоғызтарау ауданының прокуроры қызметтерін атқарған.

2010 жылы «Ата-Жұрт» саяси партиясынан 5-шақырылымдағы Қырғыз Республикасы Жоғарғы Кеңесінің депутаты болып сайланды.

2015 жылы «Республика-Ата Жұрт» саяси партиясынан VI шақырылымдағы Қырғыз Республикасы Жоғарғы Кеңесінің депутаты болып сайланды. Ол «Республика-Ата Жұрт» парламенттік фракциясы жетекшісінің орынбасары болды.

2020 жылдың 4 қарашасында Жоғарғы Кеңес Төрағасы сайланды.

2020 жылғы 14 қарашадан бастап 2021 жылғы 28 қаңтарға дейін президенттің міндетін атқарушы Садыр Жапаров президенттік сайлауға қатысу ниетімен отставкаға кеткеннен кейін Қырғызстан президентінің уақытша міндетін атқарушысы болды.[1]

2020 жылдың 4 қарашасы мен 2021 жылдың 28 қазаны аралығында Жоғарғы Кеңес Төрағасы болды. 28 қазанда ол 2021 жылғы 28 қарашада өтетін парламенттік сайлауға қатысуына байланысты парламент төрағасының өкілеттігін уақытша тоқтатты. Сайлау біткен салысымен, ол 2021 жылғы 29 желтоқсанда VII сайланған Жоғарғы Кеңестің бірінші отырысында жасырын дауыс беру арқылы Кеңес төрағасы болып қайта сайланды.

2022 жылдың 5 қазанында ол өз өтініші бойынша Жоғарғы Кеңес Төрағасы қызметінен кетті.[2]

Жеке өмірі[өңдеу | қайнарын өңдеу]

Талант Мамытов акушер Чинара Апсаматқызы Мамытоваға үйленген, төрт баласы бар.[3]

Дереккөздер[өңдеу | қайнарын өңдеу]