Таласбек Әсемқұлов

Уикипедия — ашық энциклопедиясынан алынған мәлімет
Jump to navigation Jump to search
Таласбек Әсемқұлов
Қызметі

жазушы, кинодраматург, күйші

Туған күні

1 тамыз 1955(1955-08-01)

Туған жері

Таңсық теміржол станциясы, Аягөз ауданы, Шығыс Қазақстан облысы, Қазақ КСР

Азаматтығы

ҚазақстанҚазақстан Қазақстан

Ұлты

қазақ

Қайтыс болған күні

23 қыркүйек 2014(2014-09-23) (59 жас)

Қайтыс болған жері

Алматы, Қазақстан

Таласбек Әсемқұлов (1 тамыз 1955, Таңсық теміржол станциясы, Аягөз ауданы, Шығыс Қазақстан облысы-23 қыркүйек 2014, Алматы) — жазушы, кинодраматург, күйші.

Өмірбаяны[өңдеу]

1976-1980 ж.ж. – Алматы қаласы, Абай атындағы педагогика институты филология факультетінің қазақша бөлімінде оқыған;

1980-1983 ж.ж. – Ықылас Дүкенұлы атындағы Ұлт аспаптар музейінің ғылыми қызметкері;

1984-1987 ж.ж. – Республикалық «Жазушы» баспасында әдеби редактор;

1987-1998 ж.ж. – Құрманғазы атындағы Алматы мемлекеттік консерваториясы фольклор кабинетінің меңгерүшісі;

1998-2006 ж.ж. – Республикалық «Жұлдыз» әдеби журналы сын бөлімінің меңгерушісі.

Шығармашылығы[өңдеу]

Сценарий жазу өнерімен пединститутта оқып жүрген студент кезінен айналысқан.

Республикалық баспасөзде «Атайы», «Кәрі ат», «Арылу» сияқты әңгімелері, «Шымдан» повесі және музыканттардың өміріне арналған «Талтүс» , "Тәттімбет сері" романдары жарық көрген.

«Көкбалақтың өлімі», «Біржан Сал», «Жезтырнақ», «Алматы – Астана», «Тұмар падиша», "Құнанбай" сынды киносценарийлердің авторы. Сондай-ақ республикалық баспасөзде қазақ және орыс тілінде түрлі әдебиет, мәдениеттану тақырыптарына арналған бірқатар мақалалары жарық көрген. 2016 жылы "Қазақ энциклопедиясы" баспасынан бес том шығармалары шыққан,тағы бес том дайындалып, кезегін күтіп тұр.

Домбырашы-сазгер[өңдеу]

1973 жылы «Бәйжігіт күйлері» деген жеке гранд-дискі Бүкілодақтық «Мелодия» фирмасынан шықты. «Мәңгілік сары» антологияға 20-дан астам, «Қазақтың мың күйі» (2009) антологияға 40-тан астам күйі енген. 2010 жылы Парижден «Таттімбеттің мұрасы» СД-дискі шыққан. 2015 жылы Таласбектің және ұстазы, нағашы атасы Жүнісбай Стамбаевтың орындауында 73 күй қамтылған "Талтүс" cd-албомы шыққан. Югославия және Францияда гастрольмен болды.[1]

Дереккөздер[өңдеу]

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл