Таң намазы

Уикипедия — ашық энциклопедиясынан алынған мәлімет
Jump to navigation Jump to search

Таң намазы немесе Фәжр намазы (араб.: فجرтаң) — күн сайын орындалатын бес уақыт намаздардың алғашқысы.

Таң намазы екі ракағат сүннет және екі ракағат парыздан, барлығы — төрт ракағаттан тұрады. Бұл намаздың парызында Құран сүрелері дауыстап оқылады.

Таң намазының уақыты таң атқаннан күн шыққанға дейін жалғасады.

Қасиетті Рамазан айында таң намазының азанынан бастап, Ақшам намазына дейін ораза ұсталады.

Құран аяттары[өңдеу]

فَاصْبِرْ عَلَىٰ مَا يَقُولُونَ وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا ۖ وَمِنْ آنَاءِ اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَىٰ
(Мұхаммед Ғ.С.) сонда олардың айтқандарына сабыр ет. Күн шығудан бұрын да батудан бұрын да Раббыңды мақтай пәкте. Кеш мезгілдерінде және күндіздің айналасында да пәкте. Мүмкін ризалыққа бөленерсің.
Құран (20:130)

وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ وَسَبِّحْ بِحَمْدِ رَبِّكَ حِينَ تَقُومُ
(Мұхаммед Ғ.С.) Раббыңның үкіміне сабыр ет. Өйткені сен көз алдымыздасың. Орныңнан тұрған шақта, Раббыңды мақтай дәріпте.
Құран (52:48)

Уақыты[өңдеу]

Таң намазы шығыс көкжиек ағараңдағаннан басталып, күн шыққанға дейiн созылады.

Намаздың орындалуы[өңдеу]

Намаз орындаушы алдымен дәрет алып, құбылаға қарайды. Кейін орындалатын намазына ниет етеді.

Намаз оқығанда намаздың 6 рүкіндері орындалуы тиіс:

  1. Ифтитах тәкбірі
  2. Қиям
  3. Қирағат
  4. Рүку
  5. Сәжде
  6. Соңғы отырыс

Дереккөздер[өңдеу]