Тед Кёрсон
Теодор «Тед» Кёрсон (ағылш. Theodore "Ted" Curson, 3 маусым 1935, Филадельфия - 4 қараша 2012, Монтклэр) — америкалық джаз музыканты, сырнайшы. Көбіне Чарльз Мингуспен бiрлесіп жазған жазбалары арқылы танымал болды.
Өмірбаяны
[өңдеу | қайнарын өңдеу]Теодор Пенсильвания штатындағы Филадельфия қаласында 1935 жылдың 3 маусымы дүниеге келді. Тед трубада ойнауға кездейсоқ қызығып кетті. Бiр күнi ол күмiс трубада ойнап отырған газет сатушыны байқады. Алайда, оның әкесі баласының Луис Джордан сияқты альт-саксофонда ойнағанын қалады. 10 жасында Тед өзінің ең алғаш трубасын алды. Кёрсон Ред Родни, Стэн Гетц и Джерри Маллиган сияқты атақты, әйгілі музыканттар оқыған консерваторияда білім алды. Консерваторияны аяқтаған соң Дейвис Майлспен танысады, оның шақыруы бойынша Тед 1956 жылы Нью-Йоркке көшеді. Осылайша Тедтің шығармашылық ісі басталады. Оның сахнадағы өнері тартымды болып, Тед үлкен жетістіктерге жетеді. Оның танымалдылығы әртіске Roulette Records-пен контрактқа қол қоюға мүмкіндік береді. 50-жылдардың аяғы мен 60-жылдардың басында Кёрсон Сесил Тэйлормен бірге өнер көрсетеді. Кейін ол Чарльз Мингустың ұжымына бірігеді. Ол сол жерде 1961 жылға дейін жұмыс істейді. Аталған ұжымда Тед тек музыкант рөлінде болып қоймай, группаның пресс-секретарі ретінде де танылады. Музыканттың шығармашылығындағы маңызды рөлді оның 1960 жылғы Франциядағы джаз фестивалінде өнер көрсетуі алды. Оны бүкіл Еуропа есте сақтап, кейін оның алыс шетелдегі гастрольдерін өткізуге көмектесті. 60-жылдары Кёрсон Билл Барон, барабаншы Дик Берк және бас-гитарашы Херб Бушлермен қосыла өзінің жеке тобын құрады. 1964 жылы топтың Копенгаген, Париж, Голландия, Швецияда болған еуропалық турнесі басталады. Сол жылы Тед Кёрсон «Tears for Dolphy» композициясын жазады. Бұл туынды «Теорема», «Соңғы дата», «Браун Бани» сияқты фильмдерде кездеседі. 1966 жылы музыкант Пори деген фин қаласында өткен джаз фестиваліне қатысады. Сонымен қатар, ол осы фестивальдің пресс-секретарі болады. 2007 жылы Тарья Халоненнің шақыруы бойынша Финляндияда өз өнерін көрсетеді. Өмірден 2012 жылдың 4 қарашасында, Нью-Джерси штатының Монтклэр қаласында өтеді.
Дискографиясы
[өңдеу | қайнарын өңдеу]Соло жазбалары
[өңдеу | қайнарын өңдеу]- 1961 жыл — Plenty of Horn
- 1962 жыл — Fire Down Below (Prestige Records, with Gildo Mahones, George Tucker, Roy Haynes)
- 1964 жыл — Tears for Dolphy
- 1964 жыл— Flip Top (Freedom Records)
- 1965 жыл — The New Thing and the Blue Thing (Atlantic Records)
- 1966 жыл — Urge (Fontana)
- 1970 жыл — Ode to Booker Ervin (EMI)
- 1971 жыл — Pop Wine
- 1973 жыл— Cattin' Curson with Georges Arvanitas and Chris Woods
- 1974 жыл — Quicksand (Atlantic Records)
- 1976 жыл — Blue Piccolo (Whynot Records)
- 1976 жыл — Ted Curson and Co. (India Navigation)
- 1978 жыл — 'Round About Midnight
- 1979 жыл — Snake Johnson (Chiaroscuro Records)
- 1980 жыл — I Heard Mingus
- 1990 жыл — Travelling On
Шақырылған музыкант ретінде
[өңдеу | қайнарын өңдеу]Ч. Мингуспен бірге
[өңдеу | қайнарын өңдеу]- Pre Bird (1960)
- Mingus at Antibes
- Charles Mingus Presents Charles Mingus (1960)
Арчи Шеппен бірге
[өңдеу | қайнарын өңдеу]- Fire Music (1965)
Анджей Тжасковскиймен бірге
[өңдеу | қайнарын өңдеу]- Seant (1966)
Spirit Of Life Ensemble-мен бірге
[өңдеу | қайнарын өңдеу]- Live Au Duc (2001)
- Planet Jazz (2009)