Темір Масин ауылдық округі

Уикипедия — ашық энциклопедиясынан алынған мәлімет
Jump to navigation Jump to search
Қазақстан ауылдық округі
Темір Масин ауылдық округі
Облысы

Батыс Қазақстан облысы

Ауданы

Бөкей ордасы ауданы

Округ орталығы

Бөрлі

Енеді

3 ауыл

Тұрғыны (2009)

1388

Уақыт белдеуі

UTC+5:00

Автомобиль коды

07

Темір Масин ауылдық округіБатыс Қазақстан облысы Бөкей ордасы ауданының құрамындағы әкімшілік аумақ. Кеңестер Одағының Батыры Темір Масиннің құрметімен аталады.

Әкімшілік құрамы[өңдеу]

Ауылдық округ орталығы Бөрлі ауылы. Құрамына Бөрлі, Куйбышев, Тереңқұдық ауылдары кіреді.

Халқы[өңдеу]

2009 жылғы санақ қорытындысы бойынша округтегі халық саны 1388 адамды құрады.[1]

Географиялық орны[өңдеу]

Ауылдық округ батыс жағынан Бисен ауылдық округімен, оңтүстікте Атырау облысының Құрманғазы ауданымен, солтүстік - шығысынан - Ұялы ауылдық округімен шекараласады. 1995 жылға дейін Көктөбе ауылдық советі деп аталып, Темір Масин атындағы жылқы кеңшары ретінде 1977 жылы құрылған. Кеңшардың алғашқы директоры Ұлы Отан соғысының ардагері Әбухан Сисенғалиев. «Батыс Қазақстан облысының кейбір ауылдық елді мекендерінің атауларын өзгерту туралы» Батыс Қазақстан облыстық мәслихаттың 2007 жылғы 23 қарашадағы N 3-4 шешімі және Батыс Қазақстан облыс әкімдігінің 2007 жылғы 6 қарашадағы N 258 қаулысымен «Көктөбе» ауылдық округі Темір Масин атындағы ауылдық округ болып өзгертілді. Ауылдық округтің негізгі бөлігі Нарын құмының жерінде орналасқандықтан мал шаруашылығымен айналысуға өте қолайлы. Сондықтан округ тұрғындардың негізгі кәсібі - мал шаруашылығы. 01.07.2015 жылғы жағдай бойынша ауылдық округте мал басы: ірі қара-11633 бас, қой мен ешкі -27717 бас, түйе - 256, жылқы 4025 бас болған. Шаруа қожалықтары саны - 48, жеке кәсіпкерлер - 16. Ауылдық округте Мәдина Бегалиева атындағы орта жалпы білім беретін мектеп, учаскелік типтік аурухана, кітапхана және мәдениет үйі жұмыс істейді.[2]

Дереккөздер[өңдеу]