Трансильвания қонақ үйі (мультфильм)

Уикипедия — ашық энциклопедиясынан алынған мәлімет
Jump to navigation Jump to search

"Трансильвания қонақ үйі (Hotel Transylvania / Монстры на каникулах)" мультфильмі[өңдеу]

Жыл:2012

Ел: АҚШ

Слоган:Where monsters go to get away from it all

Режиссер: Геннадий Тартаковский Басты рөлдерде: Адам Сэндлер , Энди Сэмберг , Селена Гомес , Кевин Джеймс , Фрэн Дрешер , Стив Бушеми , Молли Шеннон , Дэвид Спейд , Си-Ло , Джон Ловиц

Сценарий: Питер Бейнхэм , Роберт Шмигель Продюсер: Адам Сэндлер , Мишель Мурдокка , Лидия Боттегони

Жанр: Комедия , Отбасылық , Балаларға арналған , Мультфильм

Бюджет:$85 000 000

Әлемдік табысы:$252 726 748

Қысқаша суреттеме[өңдеу]

Граф Дракула өзіне және қызына арнап бөгделер көзіне түспейтін қонақ үй салады. Ол жерде бүкіл әлемнің құбыжықтары үшін келіп демалуға барлық жағдай жасалған. Алайда туристер бұл жерде де құбыжықтарға тыныштық бермейді.

Сын,рецензия[өңдеу]

"Дженнди Тартаковски (тумысында мәскеулік Геннадий Тартаковский) бұл мәселеге басқа жағынан кіруге бел шешіпті. Бұрын біздің әңгіме-аңыздарымызда итатқырдың рөлін ойнайтын қанішер, қасқыр-адам, зомбилар «Трансильвания қонақүйінде» керісінше көрсетілген. Фильм желісі былай: ғасырлар бойы ғұмыр кешкен граф Дракула алақанына салып аялап отырған, жүз он сегізге жаңа толған қызы Мэвисті адам атаулыдан аулақ ұстайды. Кішкентайынан «пендеге жолама, көрген жеріңде көкірегіңе сына қағып, басыңда шауып тастайды» дегенді құлағына құйып өскен Мэвис әкесінің құбыжық атаулыға тыныштық сыйлап, емін-еркін дем алуға жағдай жасайтын қонақүйіне қаңғалақтап жүріп келіп қалған Джонатанға ғашық болып қалады. Әрине, Джонатанның Франкенштейн секілді денесі құрастырмалы немесе Көрінбейтін адам сияқты қасиеті болса екі жас бақытты болып-ақ кетер ме еді, кім білсін, бірақ, жас саяхатшының қарапайым адам болғандығы күллі қонақүйдің апыр-топырын шығарады. Себебі, құбыжықтар… адамнан өлердей қорқатын. «Трансильвания қонақүйі» жылдың үлкен-кішісі көріп, көңіл көтеріп қалуы тиіс туындыларының бірі деп есептеймін. «Мегами» мен «Жексұрын мен» секілді бер жағы адам төзгісіз, бірақ жан-дүниесі қайыр-мейірімге толы кейіпкерлері бар туындылар ұнаса, ойланбай кассаны тоқылдатып, тиын шығарып «Трансильвания қонақүйінен» «бөлме алыңыз». Фильм бір жарым сағат бойы көрерменін қалт жібермей, қадағалап, уысынан шығармай ұстап отырады (Sony Pictures-тің анимациялық туындыны бұлай түсіре алғандарына өзімнің де аздап таңым бар). Сюжеттің жылдамдығы бөлек әңгіме: диалогтар мен қалжыңдар тез ауысады және жалықтырмайды. Күтпеген «қорқынышты» сәттер өзге анимациялық туындыларда жоқ өзгеше бір әсер береді. Кейіпкерлердің кескін-келбеттері мен киген киімдері де сауатты: дракулалық оқиғаға тән готикалық стиль мен қызылды-жасылды көңіл көтеретін түстердің өріле беруі фильмнің сапалық қасиетін күшейте түскен. «Трансильвания қонақүйі» сізге ұнайды. Себебі, қамқор әке Дракуланы, ақкөңіл Франкенштейнді, көзі мөлдіреген сүйкімді жарғанат қыз Мэвисті, көңілді Мумияны, топырлаған бөлтіріктерін жанындай жақсы көретін Қасқыр-адамды, тентек Көрінбейтін адамды сіз басқа фильмнен осы кейіптерінде көре алмайсыз. "

Тағы қараңыз[өңдеу]

Селена Гомез

Дереккөздер[өңдеу]

Киностан сайты

Сыртқы сілтемелер[өңдеу]

http://www.animapedia.ru/index.php/Монстры_на_каникулах

http://multipediya.ru/monstry-na-kanikulah/

http://kinogo.net/188-monstry-na-kanikulah-2012.html