Тәңірберген Жайлыбаев ауылы

Ауыл
Тәңірберген Жайлыбаев ауылы
Әкімшілігі
Ел	ҚазақстанҚазақстан
Облысы	Түркістан
Ауданы	Мақтаарал
Ауылдық округі	Еңбекші
Тарихы мен географиясы
Координаттары	40°37′48″ с. е. 68°34′26″ ш. б.40.63000° с. е. 68.57389° ш. б. / 40.63000; 68.57389
Құрылған уақыты	1970
Бұрынғы атаулары	Трудовосток
Уақыт белдеуі	UTC+6:00
Тұрғындары
Тұрғыны	2691 адам (2009)
Сандық идентификаторлары
Автомобиль коды	13
Тәңірберген Жайлыбаев ауылы Тәңірберген Жайлыбаев ауылы
Тәңірберген Жайлыбаев ауылы шекарасы

Тәңірберген Жайлыбаев ауылы — Түркістан облысы Мақтаарал ауданы, Еңбекші ауылдық округі құрамындағы ауыл.

Географиялық орны

Аудан орталығы - Мырзакент кентінен оңтүстік-шығысқа қарай 2 км-дей жерде.

Халқы

1999 жылы жергілікті тұрғындар саны 2320 адам (1139 ер адам және 1181 әйел адам) болса, 2009 жылы 2691 адамды (1354 ер адам және 1337 әйел адам) құрады.

Тарихы

Іргесі 1970 жылы осы өңірде мақта шаруашылығын дамытуға байланысты құрылған “Коммунизм” кеңшарының негізінде қаланған. Бұрын “Трудовосток” ауылы аталып келген. 1994 жылдан қазіргі атауымен аталады.

Инфрақұрылымы

Ауыл әкімшілігі, мектеп, кітапхана, дәрігерлік-амбулаторлық пункт, т.б. мекемелер бар. Жалпы орта мектеп Абай атымен аталады. Мектепте 800-ге жуық оқушы, 80-ге жуық оқытушы ұстаздар бар. Тұрғындары көрші елді мекендермен автомобиль жолы арқылы қатынасады. Ауыл көшелердің атауы:
1-ші көше - Желтоқсан
2-ші көше - Алаш
3-ші көше - Бәйтерек
4-ші көше - Қалданбек Пірмәнов
5-ші көше - Астана
6-шы көше - Алматы
7-ші көше - Бірлік

Кәсіпкерлік

Егін, атап айтқанда мақта, бидай, күріш, қауын, қарбыз және т.б. жақсы дамыған. Мал шаруашылығы да қарқынды дамып келеді.

Ауылда ішінде және орталық көшелерде 10-ға жуық дүкендер бар. Маусым кезінде қауын қабылдайтын 10-15 нүкте, мақта қабылдайтын үлкен 3-4 пункт жұмыс жасайды.