Атакент (кент)

Кент
Атакент
Әкімшілігі
Ел	ҚазақстанҚазақстан
Статусы	Кенттік әкімдік пен ауылдық округ орталығы
Облысы	Түркістан
Ауданы	Мақтаарал
Кенттік әкімдігі	Атакент
Тарихы мен географиясы
Координаттары	40°50′42″ с. е. 68°30′58″ ш. б.40.84500° с. е. 68.51611° ш. б. / 40.84500; 68.51611
Құрылған уақыты	1924
Бұрынғы атаулары	Ильич
Уақыт белдеуі	UTC+5:00
Тұрғындары
Тұрғыны	▲19240 адам (2021)
Сандық идентификаторлары
Телефон коды	+7 72541
Пошта индекстері	160526
Автомобиль коды	13
Атакент картада Атакент Атакент
Атакент шекарасы

Атакент (1998 жылға дейін – Ильич) — Түркістан облысы Мақтаарал ауданындағы кент, темір жол бекеті, Атакент кенттік әкімдігі мен Мақтаарал ауылдық округінің орталығы.

Географиялық орны

Аудан орталығы – Мырзакент кентінен солтүстік-батысқа қарай 18 км-дей жерде.

Халқы

Саны (1999, 2009, 2021)

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
13620	▲16402	▲19240	117,3	7937	▲9531	120,1	8465	▲9709	114,7

Тарихы

Іргесі 1924 жылы мақта өсіретін Мақтаарал совхоз-техникумы ұйымдастырылуына байланысты құрылып, 1932 жылы Ильич кентіне айналды. 1940-57 жылдары аудан орталығы болды. 1969 жылы кентте одақтық маңызы бар «Мақтаарал» тәжірибе стансасы құрылды. 1998 жылдан Атакент аталады. «Мақтаарал» мақта шаруашылығы негізінде 2 акционерлік қоғам, 3 өнеркәсіп, бірнеше шаруа қожалықтары құрылып, «ЮТЕКС» жаңа мақта тазарту зауыты, шитті мақта қалдығынан (улюк) медициналық мақсаттарға пайдаланатын мақта (вата) шығаратын фабрика іске қосылды.

Инфрақұрылымы

Жалпы білім беретін 4 мектеп (№5 Мақтаарал мектеп-гимназия, №6 Қ. Сәтпаев атындағы ЖОМ, №7 В. Комаров атындағы ЖОМ, №8 О. Бапышев атындағы ЖОМ), 14-ші кәсіптік-техникалық мектеп, аурухана, «Халықтар достығы» сарайы, 2 мейманхана, спортзал, Алпамыс батыр атындағы футбол стадионы және т.б. мекемелер жұмыс істейді. Кент арқылы Ташкент – Жизақ, Шымкент – Жетісай автомобиль жолы өтеді.