Төлеуғазы Қамашұлы Нұркенов

Төлеуғазы Қамашұлы Нұркенов 1953 жылы 16 қыркүйекте Қарағанды қаласында туған. Қазақ. Әкесі - Нұркенов Қамаш, марқұм, ауыл шаруашылығының қызметкері болған. Анасы - Әбішева Күмісжан, зейнеткер, үй шаруасымен айналысқан. Қазақ ауыл шаруашылығы институтының агрономия факультетін (1979) ғалым-агроном мамандығы бойынша, С. Сейфуллин атындағы Аграрлық университеттің жерге орналастыру факультетін (Астана, 1998) инженер-жерге орналастырушы мамандығы бойынша бітірген. Қазақ және орыс тілдерін біледі. «Нұр Отан» ХДП мүшесі (2000 жылдан). 1979 жылдан - Алматы облыстық ауыл шаруашылығы басқармасының бас агрономы. 1983 жылдан - Алматы облыстық атқару комитеті төрағасының бірінші орынбасарының көмекшісі. 1984 жылдан - Алматы облыстық ауыл шаруашылығы басқармасы жерге орналастыру бөлімінің бастығы. 1990 жылдан - Алматы облыстық атқару комитеті төрағасының көмекшісі. 1992 жылдан - Алматы қалалық Жер қатынастары және жерге орналастыру комитеті төрағасының орынбасары. 1998 жылдан - Астана қалалық Жер ресурстарын басқару комитетінің төрағасы. 2006 жылдың наурызынан қазанынан дейін - «Астанатопография» РМКК директоры. 2006 жылдың қазанынан бері - Астана қаласы Жер қатынастары басқармасының бастығы. «Астана» (1998), «Қазақстан Республикасының тәуел- сіздігіне 10 жыл» (2001), «Қазақстан Конституциясына 10 жыл» (2005) медальдарымен марапатталған. Құрметті жерге орналастырушы (2004). Әскери атағы - капитан. Діни көзқарасы - дәстүрлі мұсылман. Саяси қайраткер ретіндегі идеалы - Н.Ә. Назарбаев, У. Черчилль. Қазақстанның болашағы туралы болжамы - «Өркендеген мемлекет». Хоббиі - нумизматика, филателия. Сүйіп оқитын әдебиеті - тарихи шығармалар. Үйленген. Жұбайы - Нұркенова Қамария (1954 жылы туған), «Оңтүстікгеодезия» МКҚКжұмыс істейді. қызы - Нұркенова Назгүл Төлеуғазықызы (1976 жылы туған), «Астана Финанс» АҚ жұмыс істейді; ұлы - Нұркенов Бауыржан Төлеуғазыұлы (1983 жылы туған), ҮҚКД жұмыс істейді (Астана қаласы).