Уильям, Уэльс ханзадасы

Уикипедия — ашық энциклопедиясынан алынған мәлімет
Навигацияға өту Іздеуге өту

Уильям ханзада
ағылш. Prince William
Уильям, Уэльс ханзадасы

Ханзада Уильям, 2018
Лауазымы
Ту
Уэльс ханзадасы
Ту
9 қыркүйек 2022 жылдан бері
Монарх III Чарлз
Ізашары ханзада Чарлз
Ту
Корнуолл герцогі
Ту
8 қыркүйек 2022 жылдан
Ізашары ханзада Чарлз
Өмірбаяны
Діні Англикандық
Дүниеге келуі 21 маусым 1982 (1982-06-21) (40 жас)
Лондон, Ұлыбритания
Династия Badge of the House of Windsor.svg Виндзорлар
Туған кездегі есімі Уильям Артур Филипп Луи (ағылш. William Arthur Philip Louis)
Әкесі III Чарлз
Анасы ханшайым Диана
Жұбайы Кейт Мидлтон
Балалары Джордж
Шарлотта
Луи
Уильям ханзада Ортаққорда

Ханзада Уильям, Уэльс ханзадасы (ағылш. Prince William; туған аты — Уильям Артур Филипп Луи (ағылш. William Arthur Philip Louis; 21 маусым 1982, Лондон) — Британ монархиясының бірінші мұрагері, қазіргі патша III Чарлз пен оның бірінші әйелі ханшайым Диананың үлкен ұлы.

Өмірбаяны[өңдеу | қайнарын өңдеу]

Уильям 1982 жылдың 21 маусым күні Лондонда дүниеге келген. Туа салысымен ханзада БАҚ өкілдерінің назарын бірден өзіне аудартты. 1982 жылдың 4 маусым күні жаңа туған ханзаданы Кентерберий архиепископі Букингем сарайында шоқындырды және сәбиге Уильям Артур Филипп Луи есімі қойылды. Балалық шағында ханзада мазасыз, тентек болып өскен, бірақ уақыт өте келе ақыл тоқтатған. 1990-1995 жылдар аралығында ханзада Ладгроув мектебінде білім алған. Бұл мектепте Уильям өзге оқушылар секілді бірдей жағдайда білім алып, тәрбиеленген. Мектеп жасында Уильям хоккеймен, баскетболмен, футболмен және басқа спорт түрлерімен әуестеніп, біраз жетістіктерге қол жеткізген.

Мектептен кейін Уильям атақты Итон колледжіне оқуға түсті. Онда ол географияны, биологияны және өнерді зерттеген. Ханзада өз айналасындағы адамдармен тез тіл табысу қасиетінің арқасында көптеген достар таба білді.

1996 жылы ханзада ата-атанасының ажырасуын ауыр қабылдады. Ол әкесіне қарағанда анасына жақынырақ болатын. Соған қарамастан ханшайым Диана балаларымен жақын қарым-қатынаста болды. Бірақ 1997 жылдың 31 тамыз күні ханшайым Диана Париж қаласында көлік апатына ұшырап, қайтыс болды. Анасының қазасы жас Уильямге үлкен соққы болып тиді. Бұл қайғы туралы Уильям тек 1 қыркүйек күні әкесінен естіді. Бұл қайғы оның сағын сындырғанымен, ол анасының жерлеу рәсіміне қатысты.

2000 жылы Итон колледжін тәмәмдаған соң, Уильям бір жыл демалыс алып, Оңтүстік Америка және Африка елдеріне сапар шекті. Бір жыл өткен соң ханзада Уильям Шотландиядағы беделді Сент-Эндрю университетіне түсуге бел буады және көп ұзамай сол университеттің студенті атанады.

Ханзада коралл рифтері жайлы дипломдық жұмысын 2005 жылы қорғап, университетті жақсы нәтижелермен тәмәмдады. Өзінің айтуы бойынша, ол Сент-Эндрюде ең бақытты 4 жылын басынан кешкен. Оқуды тәмәмдағаннан кейін Уильям біршама пайдалы жұмыстарды атқарған. Ол Ұлыбритания Патшайымын Жаңа Зеландияның Окленд және Веллингтон қалаларында өткен Екінші дүниежүзілік соғыстың аяқталғанына 60 жыл толуына байланысты ұйымдастырылған біршама іс-шараларда таныстырған.

Отбасы[өңдеу | қайнарын өңдеу]

2010 жылдың 16 қараша күні Кларенс-хаус ханзада Уильям мен Кейт Мидлтоның сөз байласқандары туралы көпшілікке жариялады. Екі жұптың үйлену салтанаты 2011 жылдың 29 сәуір күні Лондон қаласындағы Вестминстер аббаттығында өтті. Кентерберий архиепископі ханзада Уильям мен Кейт Мидлтонның ресми түрде некелерін қиды. Ал Ұлыбритания Патшайымы ІІ Елизавета оларды Кембридж герцогі мен герцогиня лауазымдарымен тағайындады.

2013 жылдың 22 маусым күні Кембридж герцогі мен герцогиня отбасында тұңғыш ұл бала дүниеге келді. Екі күннен кейін сәбидің есімі — Джордж (Георг) Александр Луи екендігі мәлім болды. 2015 жылдың 2 мамыр күні Кембридж герцогинясі Кейт екінші сәбиі Шарлотта Елизавета Диананы өмірге әкелді.