Федор Иванович Щербаков

Фёдор Иванович Щербаков
Туған күні	26 мамыр 1947 (1947-05-26)
Туған жері	Бидайық ауылы, Жаңаарқа ауданы, Қарағанды облысы, Қазақ КСР, КСРО
Қайтыс болған күні	16 тамыз 2022 (2022-08-16) (75 жас)
Мемлекет	КСРО  Қазақстан
Әскер түрі	мотоатқыштар әскерлері
Қызмет еткен жылдары	1966—2000
Атағы	Генерал-лейтенант
Әскери бөлімі	Қазақстан Республикасы Қарулы Күштері Құрлық әскерлерінің 1-ші армия корпусы
Басқарды	99-шы мотоатқыштар дивизиясы
Марапаттары	Құрмет ордені

Фёдор Иванович Щербаков (26 мамыр 1947, Бидайық ауылы, Жаңаарқа ауданы, Қарағанды облысы, Қазақ КСР, КСРО — 16 тамыз 2022) — әскери қайраткер, генерал-лейтенант (1993).

Өмірбаяны

Ташкент жоғары жалпы әскери командалық училищесін (1970), Мәскеудегі әскери академияны (1980), РФ Қарулы Күштері Бас штабының әскери академиясын (1992) бітірген. 1970 – 87 ж. Германиядағы Кеңес әскері тобында, Қиыр Шығыс, Мәскеу әскери округтерінде басшы қызметтер атқарды. 1987 – 90 ж. құрама командирі, бірлестік қолбасшысының орынбасары болды.

Қазақстан тәуелсіздік алғаннан кейін 40-армия қолбасшысының 1-орынбасары (1992), 1-армия корпустың командирі (1992 – 94), Құрлық әскерлерінің қолбасшысы – Қорғаныс министрінің 1-орынбасары (1994 – 98), Жалпы қолданыстағы күштердің қолбасшысы (1998 – 2000) қызметтерін атқарды.

Қызыл жұлдыз, “Құрмет” ордендерімен марапатталған.

2022 жылы 16 тамызда қайтыс болды.

Марапаттары

• Құрмет ордені;
• Қызыл жұлдыз ордені;
• КСРО және Қазақстан Республикасының 20-дан астам медальдары.