Филипп Яковлевич Рубахо
| Филипп Яковлевич Рубахо | |
 | |
| Туған күні | |
|---|---|
| Туған жері |
|
| Қайтыс болған күні |
15 қыркүйек 1943 (20 жас) |
| Қайтыс болған жері |
Сочи, Краснодар облысы |
| Мемлекет | |
| Әскер түрі |
Әскери теңіз флоты |
| Қызмет еткен жылдары |
1941-1943 |
| Атағы |
1-дәрежелі старшина |
| Әскери бөлімі |
393-батальон |
| Шайқасы |
ҰОС, Севостополь қорғанысы |
Филипп Яковлевич Рубахо (1923—1943) — Ұлы Отан соғысының қатысушысы, Қара теңіз флотының Новороссисктегі әскери теңіз базасындағы 393-ші жеке батальонында қызмет еткен. 1-ші дәрежелі старшина. Кеңес Одағының батыры.
Биографиясы
[өңдеу | қайнарын өңдеу]1923 жылы 23 қаңтарда Ақсай станицасында (қазіргі Ростов облысындағы Ақсай қаласы) ресейлік флоттың офицері болған жұмысшының отбасында дүниеге келген. Ұлты - қазақ. Ол жетімдер үйінде өсті. Сол жерде қазақтарға тән емес, тарихқа белгілі есіміне ие болған. Филипптың білімі орта. Ол ата-анасынан өте ерте айырылды. Сондықтан Батумдық балалар үйінде оқыған. Жасөспірім кезінде ол ірі мергендік жарыстарында топ жарып «Ворошилов атқышы» белгісіне ие болды.
Әскери теңіз флотында 1941 жылдан бастап қызмет еткен. Қара теңіз флотының Туапсин базасындағы музыкалық топтың мүшесі болды. Алайда көп ұзамай ұрыстық кемелерге ауысты. Оның құрамында жүріп алғаш рет Ұлы Отан соғысына қатысты. 1941 жылдың қыркүйегінде қоршауда қалған Одессаға қарсы жорыққа аттанды. Рубахоға теңізде ұзақ соғысуға тура келмеді: теңіз жаяу әскері құрамынан ол құрлықтық майданға аттанды. Атақты Севастополь қорғанысына қатысып ерліктің ерен үлгісін көрсетті.
Марапаттары
[өңдеу | қайнарын өңдеу]- КСРО Жоғарғы Президиумының 1944 жылғы 22 қаңтардағы бұйрығы бойынша неміс-фашистік басқыншыларына қарсы көрсеткен батылдығы мен батырлығы үшін 1-ші дәрежелі старшина Рубахо Филипп Яковлевичке қайтыс болғаннан кейін Кеңес Одағының Батыры атағы берілді.[1]
- Ленин орденімен (1944) және Қызыл Жұлдыз орденімен (1943) марапатталды.[2][3][4]
Естелік
[өңдеу | қайнарын өңдеу]Дереккөздер
[өңдеу | қайнарын өңдеу]- ↑ Указ Президиума Верховного Совета СССР «О присвоении звания Героя Советского Союза офицерскому составу Военно-Морского флота» от 22 января 1944 года // Ведомости Верховного Совета Союза Советских Социалистических Республик : газета. — 1944. — 3 февраля (№ 6 (266)). — С. 1
- ↑ Қазақ энциклопедиясы
- ↑ Қазақтың ұлы Филипп
- ↑ Батыр ұлдың тағдыры