Фотерингей қамалы

Фотерингей қамалы (ағылш. Fotheringhay Castle) — Англиядағы Нортгемптоншир облысындағы Андл қаласынан солтүстікке қарай 6 шақырым жерде орналасқан қамал.

Бұл қамалда 1452 жылы король Ричард III туған болатын.

Фотерингей қамалының матты

Тарихы

Мотт және бейли жүйесімен салынған нормандық сарай алғаш рет өзеннің солтүстік жағалауында Нан Симон де Санлис Нортгемптон графы шамамен 1100 жылы тұрғызды.

Қамалдың ішкі ауласы дуал мен шұңқырлармен қорғалған.

1212 жылға дейін қамал Хантингдон графы Дәуітке тиесілі болды, бірақ сосын король Иоаннмен тәркіленген болатын. XIII ғасырдың бас кезінде сарайдың иегері Уильям Маршал, 1-й Пембрук графы болды. Ақырында оның иелігі Честер графы Ранульфке берілді. Келесі Честер графы Шотландиялық Джоан қайтыс болғаннан кейін, қамалды Генрих ІІІ-нің анасы иемденіп алынды. Генрих ІІІ уақыт өте ұлы ханзада Эдуардқа берді.

Екінші барондық соғыс кезінде Фотерингей және Честер қамалы Дерби графы Роберт Феррерске берілген болатын. Ол 1264-тен 1265-ке дейінгі аралықта бұл қамалдардың билеушісі болды.

Шотландия патшайымы Марияның соты мен өлім жазасы

Мария өзінің 18 жылдық қамауын Шеффилд қамалында өткізіп, өмірінің соңғы күндерін опасыздығы үшін айыпталған жерде Фотерингей қамалында күзетшілердің қарауында болды. Марияға үкімді жазаның қарсаңында оқыды және соңғы түні сарайдың шіркеуінде дұға оқыды. Оны үлкен залда 1587 жылдың 8 ақпанында өлім жазасына кесті.

Жаңа уақыт

Маңыздылығы мен көлеміне қарамастан елизаветалық дәуірдің екінші жартысында құлдырай бастады. 1627 жылы көп кешікпей ағылшын тағына Марияның немересі Карл I Стюарт келген соң Фотерингей қирап, төңірегі тазартылды.

Қазіргі уақытта

Бүгінде қамалды қайтадан қалпына келтіру жоспарлануда, өйткені бұл «ұлттық мағыналы» объект болып есептеледі. Қазір қамалдың орнында жер жұмыстары мен фундаменттың қалдықтарынан басқа түкте жоқ. Фотерингей келушілерге күндізгі уақытта ашық. Осы жерден Нан өзенінің аңғары әдемі көрінеді.

Өнерде ескертілу

• Британдық топтың (Fairport Convention) өлеңінде («Fotheringay»). What We Did On Our Holidays (1969) альбомның құрамына кіреді.
• Fairport Conventionнен кеткен соң Сэнди Деннидің құрған Fotheringay тобында.