Франция — Мексика футбол матчы (1930)

Уикипедия — ашық энциклопедиясынан алынған мәлімет
Jump to navigation Jump to search
Франция — Мексика
Estadio Pocitos 1930.jpg
Турнир

Футболдан 1930 жылғы әлем біріншілігі

Дата

13 шілде 1930

Стадион

Поситос, Монтевидео, Уругвай

Франция — Мексика футбол матчы1930 жылғы әлем чемпионатының беташар матчы, Футболдан әлем чемпионаттары тарихындағы тұңғыш ойын. Матч 30 шілде күні Монтевидеодағы "Поситос" стадионында өтіп, Франция футболшылары 4:1 есебімен жеңіске жетті.

Шолу[өңдеу]

Француздар сапынан гол соққан Люсьен Лоран мен Марсель Ланжилье

Матч жергілікті уақыт бойынша 15:00-де басталды. 19-минутта есеп ашқан француз футболшысы Люсьен Лоран былай деп еске алады: "Оңтүстік Америкада қыс мезгілі болғандықтан, қар жапалақтап тұрды. Эрнест Либерати сол қанаттан айып алаңына доп асырды, бһмен ойланып тұрмастан қақпаға бірден бағыттадым, қақпашы Бонфильо допқа тосқауыл бола алмады. Командаластар мені жәй ғана құттықтады да қойды. Дәл қазіргідей есіміз шыға қуанып немесе көгалға сырғанап ұлан-асыр бола қоймадық. Ол кезде голға аса қатты қуану деген жоқ еді[1].

30-минутта француздар қақпашысы Алекс Тепо жарақатына байланысты амалсыз алаңнан кетті. Ол кезде ойыншы ауыстыру болмағандықтан, қақпаға қорғаушы Огюстен Шантрель тұрды. Бір ойыншы кем боп қалғанына қарамастан, француздар бұдан кейін үш гол соқты. Мексикалықтар тек Хуан Карреньоның айып добынан соққан голымен ғана жауап бере алды. Ал тұңғыш голдың авторы Лоран екінші тайм басында жарақат алды да, ойынның қалған бөлігін ақсаңдап өткізді. Соған қарамастан ірі жеңіске жетуі француздардың ол кезде аса күшті болғандығын білдіреді.

84-минутта уақыттан шатасқан төреші ойын бітті деп ысқырық шалды. Тек мексикалықтардың талап етуінен соң ғана қайта жалғасты. Бірақ ол мексикалықтарға пайда бермеді, қайта жалғасқан бетте француздар төртінші голды соқты.

Жалпы тарихи матч бола тұра, ол кезде әлем чемпионатына қызығушылықтың жоқтығынан стадионға 4444 көрермен ғана жиналды. Бұның тағы бір себебі ретінде матч қолайсыз ауа райында ойналғанын да айтуға болады.

Француздар чемпионатты сәтті бастағанымен, бұдан кейінгі екі ойында да ұтылып, жартылай финалға шыға алмады.

Матч[өңдеу]

Детальдар[өңдеу]

13 шілде 1930
15:00 UYT (UTC−03:30)
Франция  4–1[2]  Мексика
Люсьен Лоран Soccerball.svg 19'
Марсель Ланжилье Soccerball.svg 40'
Андре Машинно Soccerball.svg 43'87'
Голдар Хуан Карреньо Soccerball.svg 70'
Поситос, Монтевидео
Көрермендер саны: 4,444
Төреші: Доминго Ломбарди (Уругвай)
Team colours Team colours Team colours
Team colours
Team colours
 
Франция
Team colours Team colours Team colours
Team colours
Team colours
 
Мексика
GK 1 Алекс Тепо
FB 2 Этьенн Маттлер
FB 3 Марсель Каппель
HB 4 Огюстен Чантрель
HB 5 Александр Вилаппан (к)
HB 6 Эдмонд Дельфур
FW 7 Марсель Пинель
FW 8 Люсьен Лоран
FW 9 Андре Машинно
FW 10 Эрнест Либерати
FW 11 Марсель Ланжилье
Бапкер:
Рауль Кардон
GK 1 Оскар Бонфильо
FB 2 Рафаэль Гарса Гутьеррес (к)
FB 3 Мануэль Росас
HB 4 Эфрайн Амескуа
HB 5 Альфредо Санчес
HB 6 Фелипе Росас
FW 7 Иларио Лопес
FW 8 Хосе Руис
FW 9 Дионисио Мехья
FW 10 Хуан Карреньо
FW 11 Луис Перес
Бапкер:
Хуан Луке де Серральонга

Дереккөздер[өңдеу]

Сілтемелер[өңдеу]