Шерубай-Нұра құм-қиыршық тас кен орны
Шерубай-Нұра құм-қиыршық тас кен орны - Қарағанды облысы Абай ауданында орналасқан. 1949 жылы «Қазақкөмірбарлау» тресі ашып, барлаған, 1972 жылы қосымша барланды (Солтүстік учаскесі). Шерубайнұра өзенінің, оң жағалауындағы 1-жайылма сатылы жазықта орналасқан.
Жатыс сипаты[өңдеу | қайнарын өңдеу]
Ені 800-1200 м, қалындығы 6,5-13,5 м, көлденең жатқан қатпарлы шөгінді түріндегі өнімді қабат құм-қиыршық тастардан тұрады, оның төменгі бөлігінде қалыңдығы 1-50 см тығыз саз топырақты қатпар мен линза бар. Литологиялық жағынан біртекті, таза, ірі жөне орта түйірлі құмда кварц түйірлері басым (70-83 %). 10 мм-ден ірілеу фракциялар еленгеннен кейінгі құм-қиыршық тасты қоспа темір жолдың қиыршық тасты қабатына пайдаланылады. Еленген құм қиыршық тасты (5 мм-ден ұсақ фракциялар) тозаңды және саз топырақты бөлшектері шайылғаннан кейін құрылыс жұмыстарына жаратылады.[1]
Дереккөздер[өңдеу | қайнарын өңдеу]
- ↑ Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |