Эдинбург қамалы

Уикипедия — ашық энциклопедиясынан алынған мәлімет
Jump to navigation Jump to search
Эдинбург қамалы

Эдинбург қамалы (ағылш. Edinburgh Castle) — Шотландия астанасы Эдинбург орталығындағы Сарай жартасында орналасқан ежелгі қамал. Таяуға дейін қорғаныс министрлігінің қарауында болды. Қамал келушілерге ашық және Эдинбургтың басты көрікті жері болып саналады. Оған Холируд сарайы орналасқан Королдік миля аталатын ескі Эдинбургтың негізгі көшесі апарады.

Қамал шамамен 350 млн жыл бұрын белсенді болған сөнген жанартаудың Сарай жартасының басында. Жартастың басына шамамен б.з.б 800 жылы қола дәуірінде қоныстана бастады. Алғаш Дин Эйдин (Din Eidyn) немесе Эйдин бекінісі (Stronghold of Eidyn) сияқты қамал атаулары б.з 600 жылғы валлитік эпикалық поэзияда кездеседі. Қамалдың өмір сүргені туралы алғашқы көрсетілген нұсқау, ақсүйектер жиналысы мен шіркеу қызметкерлерін 1139 жылдан бастап сарайға шақырған Дәуіт I-мен байланысты.

Шотланд королдерінің палатасы

Өзінің ұзақ тарихына байланысты қамал «Шотландияның кілті» атанды. Ерте орта ғасырда жасалып, XVII ғасырдың басында жүргізілген күрделі жұмыстардан өтіп, бекініс артиллерияларын қолдану арқылы қамалдың қорғанысын күшейтті. Қорған өте мықты бекіністей әсер қалдырады.

Бұрында қамалдың солтүстік жағында қамаллың іргесін және осы жақтағы Ескі қаланы қорғаған айтарлықтай ірі Нор-Лох өзені орналасқан. XVIII ғасырдың аяғына таман, Ганновер әулиетінен шыққан королдер кезінде Эдинбургта Жаңа қаланың салынуына байланысты өзенді құрғатты. Қамал тұрған жерде Эдинбургтағы ең ескі ғимарат, XII ғасырда Шотландтық Маргаритаға арнап, ұлы Дәуіт салдырған — Киелі Маргарита каппеласы орналасқан. Сонымен қатар Эдинбург қамалында Тағдыр тасы мен Шотландия тәжі сақталады.

Миллс-маунтта «бір сағаттық зеңбірегі» (ағылш. One O'Clock Gun) - қабырғадағы артиллериялық қару жексенбі, Ұлы жұма және Рождестводан басқа күндері дәл сағат бірде атылады.

Тағы қараңыз[өңдеу]