Эрик Ромер

Эрик Ромер
фр. Éric Rohmer
Эрик Ромер (2004)
Жалпы мағлұмат
Туған кездегі есімі	Жан-Мари Морис Шерер
Туған күні	21 наурыз 1920 (1920-03-21)
Туған жері	Тюль, Коррез, Франция
Қайтыс болған күні	11 қаңтар 2010 (2010-01-11) (89 жас)
Қайтыс болған жері	Париж, Франция
Азаматтығы	Франция
Мамандығы	режиссёр сценарийші кинопродюсер, журналист
Белсенді жылдары	1945—2009
Марапаттары	«Күміс аю» (1967, 1983) «Алтын арыстан» (1986)
IMDb	ID 0006445
Ортаққордағы Эрик Ромер

Эрик Ромер (фр. Éric Rohmer; туған кездегі есімі — Жан-Мари Морис Шерер фр. Jean-Marie Maurice Scherer; 21 наурыз, 1920, Тюль, Коррез, Франция — 11 қаңтар, 2010, Париж, Франция) — француз кинорежиссері, киносыншы, журналист, жазушы, сценарийші және оқытушы. Ромер Екінші дүниежүзілік соғыстан кейінгі «Франциялық жаңа толқын» режиссерлерінің ішінде есімі ең соңғы болып қалыптасқан тұлға еді. Оның әріптестерінің көбі, соның ішінде Жан-Люк Годар мен Франсуа Трюффо сыншылықтан режиссерлікке ауысып, халықаралық деңгейде танылып жатқанда, Ромер 1957 жылдан 1963 жылға дейін беделді «Cahiers du Cinéma» кино журналының бас редакторы қызметін атқарды.

Ромер халықаралық деңгейде 1969 жылы «Модтағы түнім» (фр. Ma nuit chez Maud) фильмі Оскар сыйлығына ұсынылған кезде танымал болды. Ол 1971 жылы «Клэрдің тізесі» (фр. Le Genou De Claire) туындысымен Сан-Себастьян кинофестивалінде жеңіске жетсе, 1986 жылы «Жасыл сәуле» (фр. Le Rayon vert) фильмі үшін Венеция кинофестивалінің «Алтын арыстан» жүлдесін иеленді. 2001 жылы Ромер Венеция кинофестивалінің мансаптағы жетістіктері үшін берілетін «Құрметті Алтын арыстанымен» марапатталды. 2010 жылы ол қайтыс болғаннан кейін, «The Daily Telegraph» газетіндегі некрологта оны өз замандастарынан асып түскен және мансабының соңына дейін «халық көргісі келетін фильмдер түсіруді тоқтатпаған» Француз жаңа толқынының ең төзімді режиссері деп атады.