Қабыл Жапарұлы Жамбакин

Қабыл Жапарұлы Жамбакин 1959 жылы 16 қарашада Павлодар облысының Ермак кентінде туған. Қазақ. Әкесі - Жамбакин Жапар Айтмағамбетұлы, марқұм, шалғын-жайылым шаруашылығы ГЗИ директоры, «ҚазАгро» корпорациясы фермер қожалықтары ассоциациясының бас директоры болған. Анасы - Мендекінова Рабиға Тәуірбайқызы, Абай атындағы Қазақ ұлттық педагогикалық институтының профессоры. Қазақ ауыл шаруашылық институтының агрономия факультетін бітірген (1983), ғалым агроном. Биология ғылымдарының кандидаты (1992), докторы (2005). Докторлық диссертациясының тақырыбы: «Өсімдіктердің гаплоидтерін алудың биотехнологиялық негіздері».

«Өсімдіктердің гаплоидтық биотехнологиясы» монографиясының (2004), 40 ғылыми мақаланың, 90 ғылыми жарияланымның авторы. 5 патенттің: «Өсімдік шаруашылығында қолданылатын тәсілдердің көмегімен металмен ластанған топырақты тазарту тәсілі» (2008), «Өсімдіктердің пестицидтерге тезімділігін биоинде кациялау тәсілі» (2009), «Пестицидтермен ластанған топырақты анықтау тәсілі» (2009), «Топырақты фиторемедиациялау тәсілі» (2009), «Дәнді дақылдардың қысымдық әсерлерге төзімділігін бағалау тәсілі» (2009), арпаның жаңа «Ақжол» сұрыбына (2006) және «Бидайдың гаплоидтық жасушаларының эмбриогендік суспензиясын алу тәсілі» (2008) атты 2 авторлық куәліктің иегері.

Қазақ, орыс және ағылшын (ауыз екі) тілдерін біледі. 1983 жылдан - Алматы облысы Іле ауданының «Қаскелең» бидай өсіру кеңшарының бригадир-гидротехнигі. 1985 жылдан - Қазақ егіншілік ҒЗИ қант қызылшасы бөлімінің аға зертханашысы, 1986 жылдан - биотехнология бөлімінің кіші ғылыми қызметкері (Алматы облысының Алмалыбақ кенті). 1992 жылдан - «АТН» ЖШС фьючерс саудасы бөлімінің бастығы. 1993 жылдан - «Агро» ҚР Фермер және шаруа қожалықтары ассоциациясының аға ғылыми қызметкері (Алматы қ.). 1994 жылдан - ҚР ҰБО ӨФГБИ зертханасының аға ғылыми қызметкері, 1995 жылдан - биотехнология зертханасының меңгерушісі. 2000 жылдан - Қазақ мемлекеттік аграрлық университетінің өсімдіктер биотехнологиясы кафедрасының меңгерушісі. 2002 жылдан - ҚР ҰБО ӨФГБИ биотехнология зертханасының меңгерушісі. 2005 жылдан - ҚР ҰБО ӨФГБИ директорының ғылыми жұмыс жөніндегі орынбасары. 2006 жылдан - ҚР БҒМ Ғылым комитетінің Биология және өсімдіктер биотехнологиясы институтының дирокторы, 2010 жылдың наурызынан бері - бас директорының міндетін атқарушы. «Астананың 10 жылдығы» медалімен марапатталған.

• Діни көзқарасы - атеист.
• Қазақстанның болашағы туралы болжамы - «Оптимистік»
• Суйіп оқитын әдебиеті - А.П. Чехов.
• Үйленген. Жұбайы - Атаханова Г.Б. (1964 жылы туған), «Ұлар-Үміт» зейнетақы қорының менеджері. Ұлдары

Жамбакин Д.Қ. (1990 жылы туған), Жапар К.Қ. (1992 жылы туған).