Қазақстанның ашық университеті
| Қазақстанның ашық университеті | |
| URL | |
|---|---|
| Коммерциялық |
емес |
| Сайттың түрі |
онлайн білім беру платформасы |
| Тіркелу |
міндетті |
| Тіл(дер)і |
қазақша, орысша |
| Сервердің орналасқан жері | |
| Иесі | |
| Ашылған уақыты | |
| Қазіргі статусы |
белсенді |
Қазақстанның ашық университеті — еліміздің жетекші жоғары оқу орындары мен мамандары бірлесе әзірлеген онлайн-курстарға тегін қол жеткізу мүмкіндігін ұсынатын, коммерциялық емес білім беру платформасы. Жобаның бастамашысы – «Ұлттық аударма бюросы» Қоғамдық Қоры болып табылады. Жоба сапалы тегін онлайн-курстар ұсыну арқылы Қазақстан халқының интеллектуалдық деңгейін арттыру, цифрлық технологиялар көмегімен онлайн білімді баршаға қолжетімді етуге бағытталған[1][2].
Тарихы[өңдеу | қайнарын өңдеу]
Жобаны WikiBilim қоғамдық қоры 2017 жылдың көктемінде Kcell телекоммуникация операторының қолдауымен жасаған. Бастапқыда жоба математика, бағдарламалау және робототехника сияқты техникалық пәндер бойынша онлайн курстарды құруға бағытталған. Жобаның бірінші жылында 1000-нан астам адам онлайн курстардан өтті[3].
2018 жылғы 12 сәуірде Қазақстан Республикасының Президенті Н.Ә.Назарбаевқа ашық университет алаңының тұсаукесері өтті. Кездесу қорытындысы бойынша Мемлекет басшысы барлық жоғары оқу орындарына оқу үдерісінде онлайн курстарды қабылдауды тапсырды[4].
2018 жылы «Жаңа гуманитарлық білім. Қазақ тіліндегі 100 оқулық» бағдарламасы аясында аударылған оқулықтар негізінде онлайн курстар құрылды.
Жобаларға бірінші болып қолдау көрсеткен академик Асқар Жұмалділдаев[5], серіктес университеттер: Қазақстан-Британ техникалық университеті, Қ.Сәтбаев атындағы Қазақ ұлттық техникалық зерттеу университеті, Алматы менеджмент университеті және т.б.
Курстары[өңдеу | қайнарын өңдеу]
- Тіл — инстинкт (Стивен Пинкердің кітабына негізделген)
- Әдебиет теориясы
- Тіл тарихы
- Батыс философиясының жаңа тарихы: Қазіргі заман философиясының бастауы, дәрісті Ақмарал Байдлаева оқиды
- Құдайтану баяны: Иудаизм, христиандық пен исламдағы 4000 жылдық ізденіс (К.Армстронгтың кітабына негізделген), дәрісті Досай Кенжетаев оқиды
- Өнер тарихы (Эрнст Гомбрихтің кітабына негізделген), дәрісті Зухра Ыдырыс оқиды
- Семиосфера (Юрий Лотманның кітабына негізделген), дәрісті Құранбек Әсет Абайұлы оқиды
- Философияның таңдаулы 25 кітабы, француз философы Реми Хессаның кітабына негізделген
- Философияның қысқаша тарихы. Сократтан Дерридаға дейін
- Ұлттың этностық тамыры (Энтони Дуглас Смиттің еңбегіне негізделген)
- Ислам философиясы: Оксфорд жинағы
- Стратегиялық бренд-менеджмент
- Мемлекеттік саясат
- Шағын бизнесті басқару: кәсіп бастау және венчурді дамыту
- Бастауыш мектептің үздік мұғалімі
- Халық саны және қоғам: демографияға кіріспе
Жәнеде тағы көптеген курстарға өтіп, тыңдауға болады.
Серіктестері[өңдеу | қайнарын өңдеу]
Жобаның серіктесі ретінде Қазақстан Республикасының барлық жетекші университеттері қатысты. Сондай-ақ Ашық университет (ағылш. The Open University) жобаның академиялық кеңесшілері ретінде де әрекет етті.
100 жаңа оқулық жобасы[өңдеу | қайнарын өңдеу]
Қазақстан Республикасының Тұңғыш Президенті Нұрсұлтан Әбішұлы Назарбаев «Болашаққа көзқарас: қоғамдық сананы жаңғырту» мақаласында Қазақстанға бүгінгі мен болашақты жақсы түсінетін гуманитарлық бағыттағы адамдар қажет екенін атап өтті. Осы орайда тарих және саясаттану, әлеуметтану және философия, психология, педагогика, экономика, мәдениеттану, сонымен қатар филология ғылымдары салаларында студенттердің уақыт талабына сай білім алуына барлық жағдай жасауды тапсырды. Жоба аясында әлемдік университеттердің барлық гуманитарлық мамандықтар бойынша оқулықтар қазақ тіліне аударылуда. Жоба «Рухани жаңғыру» бағдарламасының бір бөлігі болып табылады және осы бағдарламаны жүзеге асыру жөніндегі Ұлттық комиссияның қолдауымен жүзеге асырылуда.
Дереккөздер[өңдеу | қайнарын өңдеу]
- ↑ Курстар
- ↑ «Қазақстанның ашық университеті» алғашқы курстарын бастады
- ↑ Қазақстан ашық университетінің OpenU.kz курстарына 1000-нан астам адам қатысты
- ↑ Нұрсұлтан Назарбаев «Жаңа гуманитарлық білім. Қазақ тіліндегі 100 жаңа оқулық» жобасы аясында шығарылған кітаптарды таныстыру рәсіміне қатысты
- ↑ Қазақстанда Coursera сияқты OpenU.kz жаппай білім беру онлайн жобасы іске қосылды, тек контенттің 80 пайызы қазақ тілінде. Мұрағатталған 28 қазанның 2018 жылы.