Қалқымамен қазып алу

Қалқымамен қазып алу — қалқыма машиналармен қазып алу барысында пайдалы қазындыларды қопсыту, кесектігіне қарай іріктеу, бағалы компоненттерді шоғырландырып бөліп алу, бос жыныстарды шығарып оларды үйіндіге жеткізу процестерінің жиынтығы. Қалқыма агрегат қымбат металдар мен минералдарды (алтын, платина, касситерит, алмаз, ильменит, сонымен қатар құм, грави тағы баска пайдалы қазындыларды) өндіргенде қолданылады. Қалқыма агрегатымен өзен, көл, теңіз, мұхит арнасынан сулы ұсақ шашыранды кен орындарын қазып алады. Сонымен қатар тәжірибе жүзінде суы аз, не суы жоқ терассаларда орналаскан кен орындарында қалқыма агрегатын кенді қазып алу жұмысына да қолданылып жүр, ол үшін кен орнына қолдан (жасанды түрде) су толтырылады. Кенді қалқыма агрегатпен қазып алғанда кен орнының жатысына, оны жауып жатқан бос жыныстарға байланысты қазып алудың бірнеше тәсілдері қолданылады. .