Қара жесір (фильм, 2021)

Қара жесір
Black Widow
Жанры	суперқаһармандық атыс-шабыс ғылыми фантастика
Режиссёрі	Кейт Шортланд
Продюсері	Кевин Файги
Сценарийдің авторы	Сюжет: Жак Шеффер Нед Бенсон Сценарий: Эрик Пирсон
Операторы	Габриэль Беристайн
Композиторы	Лорн Балф
Кинокомпания	Шығарған: Marvel Studios Дистрибьюция: Walt Disney Studios Motion Pictures
Ұзақтығы	134 минут
Бюджеті	288 млн $
Кассалық түсімі	379 млн $
Мемлекет	АҚШ
Тілі	Ағылшынша
Шыққан жылы	2021
Алдыңғы фильм	Өрмекші-адам: Үйден жырақта
Келесі фильм	Шан-Чи және он сақина аңызы
IMDb	ID 3480822
https://www.marvel.com/movies/black-widow

«Қара жесір» (ағылш. Black Widow) — 2021 жылы шыққан америкалық суперқаһармандық фильм. Фильмді Marvel Studios шығарды және Walt Disney Studios Motion Pictures таратты. Бұл Marvel кинематографиялық әлемі (MCU) медиафраншизасындағы 24-ші фильм. Фильмнің режиссері — Кейт Шортланд, сценарий авторы — Эрик Пирсон. Скарлетт Йоханссон Наташа Романофф / Қара жесір рөлін сомдады; сондай-ақ фильмде Флоренс Пью, Дэвид Харбор, О-Т Фагбенли, Ольга Куриленко, Уильям Херт, Рэй Уинстоун және Рэйчел Вайс ойнады. Сюжет бойынша Капитан Америка: Азамат соғысы (2016) фильміндегі оқиғалардан кейін Наташа Романофф өзінің өткенін жанымен қабылдауға тырысады.

«Қара жесір» АҚШ-та 2021 жылдың 9 шілдесінде кинотеатрларда және бір уақытта Disney+ ағындық қызметінде, ал Ресейде 8 шілдеде шығарылды. Қара жесір MCU-дегі 4-кезеңнің бірінші фильмі болды. Фильмнің шығуы алғашқыда 2020 жылдың мамырына белгіленген күннен COVID-19 пандемиясына байланысты үш рет кейінге қалдырылды. «Қара жесір» фильмі пандемиялық жағдайдағы бірнеше кассалық рекордын орнатты, фильм бүкіл әлем бойынша 379 миллион доллардан астам және Disney+ сервисінде 125 миллион доллар жинады. Фильм негізімен сыншылардан оң пікірлер алды, олар актерлік шеберлікті (әсіресе Йоханссон мен Пьюдің ойнауын) және экшн-қойылымдарды жоғары бағалады.

Актёрлер

Солдан бастап: Файги, Йоханссон, Харбор, Пью, Фагбенли, Шортланд, Вайс, Сан-Диего 2019

• Скарлетт Йоханссон — Қара жесір Наташа Романофф: кек алушы, бұрынғы КГБ агенті, бұрынғы S.H.I.E.L.D. агенті. Эвер Андерсон — жас Наташа.
• Флоренс Пью — Қара жесір Елена Белова: Наташаның «қарындасы», Қызыл бөлмеде арнайы дайындықтан өткен. Вайолет Макгроу — жас Елена.
• Дэвид Харбор — Алексей Шостаков / Қызыл Қорғаушы: орыс суперсолдаты, Капитан Американың эквиваленті, Наташа мен Еленаның «әкесі».
• О.Т. Фагбенли — Рик Мейсон: S.H.I.E.L.D. кезінен Наташаның одақтасы.
• Ольга Куриленко — Антония Дрейкова / Таскмастер: Дрейковтың қыз баласы, Қызыл бөлмеге қызмет етеді. Райан Кира Армстронг — жас Антония.
• Уильям Хёрт — Таддеус Росс: АҚШ Мемлекеттік хатшысы.
• Рэй Уинстон — Дрейков: орыс генералы және Қызыл бөлменің жетекшісі.
• Рэйчел Вайс — Қара жесір Мелина Востокофф: тәжірибелі тыңшы, Наташа мен Еленаның «шешесі», Қызыл бөлменің басты ғалымы.