Қуандық Қыстықбаев

Қуандық Қыстықбаев
Жалпы мағлұмат
Туған күні	1 тамыз 1977 (1977-08-01) (46 жас)
Туған жері	Алматы облысы Ұйғыр ауданы
Азаматтығы	Қазақстан
Мамандығы	актер
Белсенді жылдары	1998 жыл - осы уақыт
Бағыты	драма, мелодрама, тарихи фильмдер
Марапаттары	Қазақстанның еңбек сіңірген қайраткері

Қуандық Қыстыбаев (1977 жылы 1 тамызда Алматы облысы Ұйғыр ауданы Сүмбі ауылында туған) — кино және театр актері. Қазақстанның еңбек сіңірген қайраткері (2015). Қалибек Қуанышбаев атындағы қазақ мемлекеттік академиялық музыкалық драма театрының актері (1998 жылдан).

Толығырақ

• Қуандық Қыстыбаев 1977 жылы 1 тамызда Алматы облысы Ұйғыр ауданы Сүмбі ауылында дүниеге келген.
• 1984- - 1994 жылдары Қырғызсай ауылдық орта мектебінде білім алды.
• 1994 - 1998 жылдары Т.Жүргенов атындағы Қазақ ұлттық өнер академиясының (бұрынғы Алматы мемлекеттік театр және кино институты)ның актерлік факультетін Қазақстанның халық артисі, профессор Кәукен Кенжетаев пен профессор Есім Сегізбаевтың классын музыкалық драманың актері мамадығы бойынша бітірген.
• 1998 жылдан Қалибек Қуанышбаев атындағы қазақ мемлекеттік академиялық музыкалық драма театрының актерлік құрамында.

Сахнадағы негізгі рөлдері

Қалибек Қуанышбаев атындағы қазақ мемлекеттік академиялық музыкалық драма театрының сахнасында: М. Әуезов «Қара Қыпшақ Қобыланды» –Қобыланды, «Қарагөз» – Сырым, «Еңлік-Кебек» – Кембай , «Абай» – Айдар, «Айман-Шолпан» – Әлібек; Ф. Эрве «Түлкі бикеш» – Шамплетро; Ғ. Мүсірепов «Қозы Көрпеш-Баян сұлу» – Айдар; Ж. Әлмашұлы «Бәйтерек басындағы кездесу» – Исатай; В. Дельмар «Баянсыз бақ» – Гарвей; І. Жансүгіров «Махамбет» – Махамбет; Б. Ұзақов «Үміт» – Замир; Т. Ахтанов «Жоғалған дос» – Маңғас; «Күшік күйеу» – Тюринщик, Е. Аманшаев «Үзілген бесік жыры» – Ол; О. Бөкей «Құлыным менің» – Жан, М. Хасенов «Пай-пай, жас жұбайлар-ай» – Қасым; У. Шекспир «Ромео мен Джульетта» – Ромео, Тибальт; Ж. Мольер «Скапеннің айласы» – Леандр; А. Сайд «Келіндер көтерілісі» – Кемел; Ш. Айтматов «Ақ кеме» – Сейдахмет, М. Ахманов «Алдардың айласы» – доңыз, А. Цагарелли «Гамарджоба» – Князь; И. Штраус «Жұбайлар жұмбағы» – Фальк, М. Фриш «Дон Жуанның думаны» – Дон Жуан, Е. Жуасбек «Үйлену» – Көмек, «Сен үшін» – еркек, «Терең тамырлар» – Елбасы, Дж. Патрик «Қымбатты Памелла» – Брэд, У. Шекспир «Гамлет» – Лаэрт, Ш. Мұртаза «Бір кем дүние» – Абадан, Э. Хушвахтов «Қызыл алма» – Аббас, Қ. Жүнісов «Махаббат мелодрамасы» – Оспан, Қ. Жиенбай «Таңғажайып планета» – Жасарал, С. Срайлов «Құпия сөз» – батыр, А. Вальехо «Күн сәулесі түспеген» – Висенте, Д. Рамазан «Абылай ханның арманы» – Абылай хан; Ж. Ануй «Жалын жұтқан Жанна д’Арк» – Король Карл, В. Ежов «Тыраулап ұшқан тырналар» – Тимофеев, С. Мұқанов, Ш. Уәлиханов «Шоқан», М. Әуезов, Қ. Ысқақ «Қараш-Қараш» – Бақтығұл, т.б.

Кино рөлдері

• 2002 жылы «Сардар» — Құлжан
• 2004 жылы «Человек ветер» — Алмат
• 2008 жылы «Келін» — басты рөл
• 2009 жылы «Сіз кімсіз, Ка мырза?» фильмінде Із кесуші рөлі
• 2010 жылы «Семь майских дней» фильмі басты рөл
• 2013 жылы «Қасым» — Қасым Қайсенов
• 2015 жылы «Жат» — Ғани (реж. Ермек Тұрсынов)

Марапаттары

• Көптеген халықаралық және ресспубликалық театр фистивальдерінің жүлдегері.
• 2009 жылы Қазақстан Республикасының президентінің мәдениет саласындағы степендиясының иегері.
• 2012 жылы "Жыл патриоты" атағының иегері.
• 2014 жылы «Қасым» фильміндегі рөлі үшін Ресей Федерациясы Кемеров облысының губернаторы А.Төлеевтен «Почетный орден Кузбасса» марапатына ие болды.
• 2015 жылы Елбасының жарлығымен "Қазақстанның еңбек сіңірген қайраткері" құрметті атағымен марапатталды.
• 2016 жылы " тәуелсіздігіне 25 жыл" мерекелік медалімен марапатталды.